شكل دورتك كانت في وسط شهر ذي الحجه تقريبا انتي مثلي انا قبل هالحمل اجهضت مرتيم + حمل قبلهم فيه مشاكل وتوفي المهم ارتحت فتره والآن بفضل الله حملت ومثلك تقريبا في الاسبوع السادس والبعض يقول السابع والى الآن ما سويت سونار ناويه اسويه الاسبوع الجاي ان شاء الله ومتخوفه لكن عندي امل بالله كبير وحسن الظن ومتفائله لان الله كريم غني جواد فالان استخدم بيبي اسبرين كويس استعمليه ما يضر وحمض الفوليك ومثبت حمل ولا عندي اعراض وحم فقط خمول فعشان كذا ادعي ربك كثير وارفعي يدك في اوقات الاستجابه عندك بين الأذان والاقامه واخر ساعه من نهار يوم الجمعه وحين السفر وعند المطر واللخ وعليك بكثرة الاستغفار والصدقه والاذكار المساء والصباح واقري الفاتحه 7 على بطنك والرقيه والتدهين بالزيت الزيتون مقري واستودعي جنينك الله وامسكي بطنك وقولي (استودعته الله الذي لا تضيع ودائعه ) دعواتي لك ان الله يتم حملك ويثبته ويجعله كامل الخلقه والخلق ويجعله معافى سليم ..... ويقر عينك برؤيته ويطمن قلبك وييسر حمله وولادته طمنينا يا غاليه اذا سويتي سونار بانتظار اخبار ساااااااره بإذن الله الحي القيوم
اعيش معك بنفس المعاناه سبق لي الاجهاض بسبب عدم وجود نبض بالجنين وانا الحين حامل وموعدي الاسبوع الجاي بس مرررررررررررره خايفه وماافكر الا بالموعد الله يصبرنا ويرزقنا
أسأل الله ان يتمم عليك حملك واهم شي النفسيه لاتفكري كثير والي ربك كاتبه بيصير وبعدين لا قدر الله اذا قالولك مافي نبض لاتصدقين على طول اعرف ناس زي كذا ولما كملوا الشهرين طلع لهم النبض وانصحك تاخذي اسبيرين والله ييسر امرك يارب ويطمن قلبك