1-كم ترتيب العمليات عندك
هذي بتكون العملية الثالثة باذن الله
2-هل البنج كامل او نص وش تنصحونا فيه
نصفي وما انصح بالكامل لان اللي ياخذون الكامل يتعبون بعدين من البلغم والكحة عاد مع الجرح الوحدة ماتقدر لا تعطس ولا تكح
3-هل كان في احد العمليات الصاقات00وهل حدث فتق بعد
العمليه باشهر في البطن من جرا العمليه
لا ولله الحمد
4-هل الالم نفسه في جميع العمليات
لا العملية الثانية كان اخف
5-هل حصل بعض المضاعفات قبل او بعد العمليه
بعد العملية الاولى كان في التهاب بسيط على الجرح
6-ماهو سبب العمليه000
الاولى لان الجنين كان جالس وماقدرو يلفونه يخلون راسه تحت
الثانية لان كان فيني طلق ونزل علي ماي و صار اضطراب في نبض الجنين
7- اي مستشفى ولدتي اذا كان خاص او حكومي ( طبعا مع ذكر اسم المستشفى )
مستشفى النساء والولادة .. تابع لمستشفى حمد العام
8-افضل الطرق للعناية بالنفس أثناء وبعد العمليه ...
الراحة
عدم حمل اي شيء اثقل من وزن البيبي اصلا لا تشيليون ولا تدفون ولا تسحبون شي غير البيبي لانه خطر على الرحم
تهوية الجرح قدر الامكان
المشي منتصبة لانه يمنع الجرح من انه يتيبس او انه ينشد على وضعية معينه
محاولة النوم على احد الجنبين عشان الغازات تطلع
9- هل حملتي بعد القيصريه .... بكم شهر او سنه ..
حملت بعد القيصرية الاولى بسبع اشهر
وبعد الثانية بشهرين
10- بعد القيصريه هل ولدتي طبيعي او قيصري ..
كان مقرر بعد القيصرية الثانية اني اولد طبيعي بس قدر الله وما شاء فعل
11-اي معلومات ممكن تفيد الحامل او الولده ممكن نساعد بعض
لا تتهاونون في الرضاعة الطبيعية وتقولون اي الجرح متعبني
حطو وسادة جنبكم وحطو البيبي عليها بحيث انه يكون كانج حاطته تحت ابطج
ونفس اللي ذكرته في اجابة السؤال 8
12-اتمنى من الله لكم التوفيق وولاده ميسره من رب العالمين00وكل وحده تشركنا لو بدعوه لها الف شكر ودعوه بظهر الغيب00
جزاج الله خير