قولي وداعا لشابورة المخابز ... واهلا بشابورة تجنن بس من تحت ايدينك ..

السلام عليكم





بما ان اليوم اول ايام الاختبارات

وبما اني مخلصه دراسه ..حبيت افاجىء اخواني اللي عندهم

قومه في الصباح بسبة الاختبارات الله يوفقهم

المهم سويت لهم

شابورة كلمة تجنن قليله فيها ..

توني مطلعتها من الفرن ومن زود الحماس قلت ماتغلى

على بنات حواء ..

تذوب بالفم من حلاتها .. ومتأكدة
انك لو ذقتيها راح تقولي

امممممممممممم شو هالحلا :27:


المقادير :
3بيضات
كاس سكر
كاس زيت
3ملاعق كبيرة حليب بودرة
فانيليا
نص ملعقه صغيرة يانسون غير مطحون
نص ملعقه صغيرة حبه سوداء
3كاسات دقيق ابيض
ثلاث ارباع الملعقه بكينج بودر<< ملعقه الاكل

.
.
.
.
انا حطيت بيضتين ورشيت شوي ملح لان ماعندي فانيليا

ومشي الحال ومابين طعم البيض ابد.


الطريقه :


تابعوني مع الصور

181 تعليق 30,836 مشاهدة

شاركي في النقاش

سجلي الدخول لإضافة تعليق.

التعليقات

176
  1. @tbakh_bytna

    صاحبة الموضوع
    خذي كل المقادير(( ماعدا الدقيق والبيكنج بودر ))

    وحطيها بخلاط الكاس

    واخلطيها تماااام الين تمتزج مع بعض

    ويذوب السكر


    الخليط راح يكون كثيف ..
    جيبي زبديه كبيرة تكفي للعجن

    حطي فيها الدقيق والبيكنج بودر واخلطيهم بيدك

    واضيفي عليهم اللي بالخلاط واعجنيهم بيدك

    على دفعات
    (انا هنا اضفت اليانسون مع الدقيق ما حطيته بالخلاط ابيه يبان بالعجينه واضفت شويه حبه سودا )


    لاتصبي الخليط دفعه وحدة .. لا على دفعات
    صبي شوي ..واعجني وهكذا

    الين تتكون عندك عجينه لينه بس متماسكه << ممكن تحتاجي كم ملقعه دقيق زيادة

    انا اضفت لها اربع ملاعق دقيق
    وعشان تعرفي انها مضبوطه
    امسكي العجينه باصباعك اذا بسرعه تشكلت معناته انها اوكى
    مثل الصورة


    بمجرد ما مسكتها باصباعي على طول تشكلت
    وواضح انها معجونه تمااام

    نجي للتشكيل

    انتي لك الحريه بالشكل اللي تحبيه

    بس شوفي وشلون شكلتها
    تكوري العجينه لكور متوسطه .



    تاخذي الكورة تغمسيها بسمسم



    تفرديها بشكل طولي << ماصورتها نسيت

    بعدين تثنيها زي الصورة



    بعدين تبرميها على بعض



    اذا خلصتي المقدار

    حطيها بالفرن بس تكوني مولعه عليه قبل تقريبا خمس دقايق

    ولعي عليها من تحت الين تحمر <<مااقدر اعطيك وقت معين على حسب حرارة الفرن .. بس ماتطول

    ولما تحمر من تحت ولعي عليها من فوق الين تاخذ لون ذهبي

    انتبهي لا تنحرق لانها ماتطول

    اذا طلعتيها بالفرن خليها شوي برى الين تتماسك

    وتقسى شوي .

    وبعدها تمتعي باطعم شابورة

    تابعوني
  2. @tbakh_bytna

    صاحبة الموضوع
    مع كاسة شاهي




    هذا صحنن اخوي يقوول انها اطعم من اللي من برى

    وهذي من قريب




    لاتفوتكم بنااااااات وربي تجنن

    تقدري تحتفظي الكميه الباقيه بحافظه محكمه الغلق




    وبس ..


    اخذتها من كتاب ام ريما للا مانه ..



    ياليت اللي تجربها تدعي لي

    ان الله يطول بعمر اهلي ويخلهم لي


    طباخة بيتنا
  3. @ghmod_antha

    روووووووعه ماشاء الله علييك


    مبدعه كعآآدتك ..

    والله يوفق اخوأأنك وأخواني بالاختبارات :(


    تسلمي ع الشابوورة اللذيذه
  4. @alnors6_5

    ماشاءالله تبارك الله عليك تسلم يدك والله يوفق الطلاب والطالبات في اختباراتهم00000انتظري تطبيقي باذن الله قريب

تابعي تجارب أخرى من هذا القسم.