للمتأخرات عن الزواج

30 يناير 2010

السلام عليكم

طبعا انا متزوجه ولله الحمد..بس دايم بهالمنتدى اشوف ظلم لفئة (المتأخرات عن الزواج ,المطلقات )
مو كافي ظلم المجتمع لهم تجون انتم تكملون عليهم ..؟؟
وهذا الشيء اشوفه من عدة نواحي وهي كالتالي :

- اذا وحده منهم طلبت منكم ودعوه بظهر الغيب ..اجي ثاني يوم القى وحده كاتبه ليه تبين ندعي لك الجأء لربك ومن هالكلام اللي ماله معنى وكأنها بتدفع لها ملايين ماهي داعيه لها لوجه الله .
ولا تجي وحده تقول لاتحسبين الزواج راحة بال يمكن يجيك واحد سكار او مدمن ويطين عيشتك؟؟ليه تفاولون عليها بالشين؟؟ليه ماتدعون بقلب صافي وان ربي يعطيها خير الدنيا والاخره.

- اذا جت وحده تطلب راي البنات في خطيب متقدم لها وكانت مواصفاته مش ولا بد ..او مطلق ...او ماعنده وظيفه ..فالبنات هنا يقولون لها كم عمرك..اذا انتي فوق الثلاثين وافقي؟؟
وليه طيب اللي فوق الثلاثثين مالها رب يعطيها افضل ما تتمنى؟؟ولا تشوفون ماعاد لها داعي بالحياه ؟؟ولا نسيتو ان الله هو المعطي وهو الرازق بس علينا نقول يارب ونظن بالله خير وهو يعطينا من فضله..

- بعض عناوين المواضيع تكتبون فيها (ممنوع دخول البنات للمتزوجات فقط) طيب ليه وش الهدف ؟؟وتعرفين كم جرحتي من وحده وكم بنت دمعت عينها لهالعنوان؟؟وبالغالب كل بيدخل هالموضوع متزوجه ماتزوجت رجال شاب ..الخ.

اخر شي استوقفني قبل شوي موضوع لوحده من عضوات المنتدى وابيها تسامحني او حتى ماتسامحني مو مهم اهم شي بوضح لحبيباتي المتاخرات عن الزواج شي صار المجتمع ضدهم فيه وصارو يوطون راسهم بسبب هالشي الا وهو (العين) طبعا يدخل بهالشي حبيباتي المتأخرات عن الحمل الله يرزقهم من فضله..
دائما يقولون ان العين بالزواجات تجي من اللي ماتزوجت ولا يدخل العريس للعروسه وقت الزفه خايفين وحده من اللي ماتزوجو تصكه بعين.وكثير قالوا لا منبي زفه حرام نكسر بخاطر وحده من العوانس..
عاد اقتبست لكم هالكلام..وتراه كلام وحده متزوجه ومن زماااااااااان وعندها عيال ومو اول مره اقرى مثل هالشي بهالمنتدى..يعني الخوف من المتزوجات اكثر لانهم جربوا وعاشو السعاده والفرح ويبون يعيدونها

هذا اللي عندي ..
واخر شي بقوله لكم رفقا بالقوااااااارير
لانسوني من دعواتكم بان ربي يفرج همي
واتقبل اي نقد واي كلام واي رأي (:
:27:

للمتأخرات عن الزواج

التعليقات

اشتقتت للمحاضرات الدينيه بس وينهاا؟؟😔💔

للمتاخرات فقط

خااااااص للتاجرات واللي تعرف حياها الله لاتبخل علينا

بشرى للمتاخرت في الزواج

للمتأخرات عن الزواج