بتزوج عليك ،، ياشين هالجمله

السلام عليكم ورحمة الله وبركاته

اخواتي حابه اقولكم على شي ،، لأني مره قريت موضوع هنا في المنتدى اذا زوجك قالك بتزوج عليك

وش بتردين عليه ؟

تفاجأت بأكثر ردود البنات كانت مثل كذا

اللي تقول ،، اذا قال لي زوجي بتزوج عليك ،، بقوله مين بترضى فيك واحمد ربك اني وافقت عليك

اختي انتي كذا تحطمين الرجال وتخليه يعاند ويسويها ويتزوج

واللي تقول ،، اذا قالك زوجي بتزوج عليك ،، بقوله قبل ما تتزوج ابي اول شي ورقة طلاقي

اختي انتي كذا تخلين الرجال يحس انك تبين الطلاق وان كلمة طلاق سهله على لسانك

انا بقولكم على شي ،، ياكثر هذرتي استحملوني :35:

اللي ازواجهم يقولون لهم بتزوج عليكي ،، هل قالها لكي مثلاً وانتم جالسين تتناقشون بموضوع مهم ؟

اكثر الازواج اللي يقول لزوجته بتزوج عليك ،، تلقينه يقولوها وهو جالس جلسة استرخاء قدام التلفزيون

او بأوقات وسواليف ما قبل النوم على السرير ،، يعني بأوقات يكون الزوج مروق اخر روقان ويقول الجمله هذي

يبي يستانس على غيرة زوجته عليه ،، الزوج يستانس اذا شاف زوجته تغار عليه ويستانس اكثر اذا هو قال كلام يظهر غيرة زوجته ، ينبسط على عصبيتها بسبب الغيره

نصيحتي لكم اخواتي اذا زوجك قالك بتزوج عليك ،، ازعلي بدلع واظهري غيرتك بدلع وادلعي عليه وخاصميه بدلع ،، يعني هو ما قالها الا انه يبي الدلع اللي داخلك يطلع

اتمنى تكونو فهمتو محتوى الموضوع

ودمتم بود :27:

14 تعليق 1,632 مشاهدة

شاركي في النقاش

سجلي الدخول لإضافة تعليق.

التعليقات

13
  1. @am_aamar_o_aaamr

    المفروووووووووض كذا نسوي بس انا محرمه عليه يقولها او يمزح فيها على طول ابكي وامرض
    ولما اهدى يقول ليه انتي بكايه ههههههههههه
  2. @um_faisel

    الخوف مو من اللي يتكلم الخوف من الساكت اللي ما يبان عليه شي ومسوي نفسه بريء

تابعي تجارب أخرى من هذا القسم.