شاركي في النقاش

سجلي الدخول لإضافة تعليق.

التعليقات

4,217

  1. @am_yasmyna

    ام طوري
    مشكورة على المشاركة....بس بغيت اعرف هو الاكل كله والا العيش والخبز بس؟؟ طيب لما تخليه اسبوع مايطلع ريحة من الكرتو ولاكيف تحفظينه؟؟؟؟

    مس بترفلاي
    يمك الحين عشان الصيف والكل وراه سفر او سافر فيمكن ماتلقي حد يشارك معاج..والحين الناس تدور اللي يفيدها في شغلها ويمكن هم اشغالهم ماتتطلب هالدورات فمريحين راسهم

    انا عن نفسي اخذت وايد دورات في الكمبيوتر وبعدين تمللت وخلاص ماعاد ادرس لان هالاشياء يبيلها ممارسة ولا بنساها وانا ماشتغل عشان امارس اللي درسته ولابي اشتغل خلاص...

  2. @am_slohy_1

    ام ياسمينا...
    سؤالج حلو ومهم...
    انا في طريقه اتبعتها من اول مانزلت بيتي لين اليوم ومستااااانسه عليها
    باقي الغدا او اي شي باقي....( حتى لو باقي بيتيفور او شوكلت او اي شي مانبيه ) لما اتصل اطلب من راعي البقاله اعطيه اياه فصحن بلاستيك..
    يستااااااااااااااااااانس...
    لانه احنا اشياء البيت اليوميه نطلبهها بالتليفون ويجيبها لنا..

    الخبز والروتي يخلص فمانظر نقط شي..
    ولاحظت على خدامتي اذا شافت انه الروتي بينتهي بكرة وفيه وايد تحمصه وتطحنه ( بقسماط )
    ومرة فتحت الفريزر لقيت خبز مثلج قالت لي مدام هاي حقي اخليه اسبوع فالفريزر مايخترب..
    لان احنا ماناكل خبز بس روتي...فلو شرينا الخبز تثلجه لها وتسخنه لما تبيه..

  3. @i_luv_sweets

    ام ياسمينا
    سلام بنات......شلونكم؟؟ مممممممممم تبون موضوع نتناقش فيه؟؟اوكي انا عندي موضوع ومحيرني وايد وايد لاني بسكن بيت جديد خلاص بعد شهر ومحتارة في هالموضوع بالذات لاني مابي اغضب ربي...... بنات ايش تسوون في العيش والخبز والاكل بشكل عام اللي يتم ما…
    هلا ام ياسمينا
    وعليكم السلام

    بالنسبة للعيش .. يعني اذا يتوزع على البيت بأكمله من الشغالات والصبيان ما يزيد الا القليل وطبعا مايقدرون يسوون فيه شي غير انهم يرمونه ( اللي عندها حل ثاني تعطينا مع ان كمية العيش المتبقي تكون قليلة جدا فما شوف في حل غير هذا )

    بالنسبة للروتي .. نعطيهم العصافير :D
    احيانا نشتري روتي وينتهي صلاحيته قبل لا نستخدمه , فناخذ الروتي وانفككه قطع صغيرة جدا وانحطه للعصافير في البلكونه أو الحوش .. وما شاء الله علهم يتجمعون وما يخلون منه شي ..

    عموما وقت العزايم , بالنسبة لباقي الطعام .. اذا كان نظيف , انرتبه وانطرشه للمساجد الصغيرة وياخذونه واحيانا نعطي الصبيان الأكل ويتجمعون مع اصدقائهم في الفريج وياكلونه :D .. يعني نحاول بقدر الإمكان ان مانرمي الأكل

تابعي تجارب أخرى من هذا القسم.