كل من تعاني من البطانة المهاجرة!!تعالوا نتجمع ونقول اش صار معنا[سيغلق أي موضوع مشابه]

متابعة النقاش، صفحة 219

شاركي في النقاش

سجلي الدخول لإضافة تعليق.

التعليقات

1,757
  1. @rfrysh

    "امنية حياتي"
    رفروشه هلا حبيبتي ....بالنسبه للوظيفه ادا مافيها مجهود ولا حركه كثير لاتفوتيها من ايدك ....وليه حبيبتي الترجيع كدا متاخر يعني الي بعرفه يكون بعد يومين او ثلاثه من السحب وان شاء الله نسمع الاخبار الطيبه عنك عن قريب
    هلا حبيبتي امنية بالنسبة للوظيفة بصراحة للحين ماردت عليهم بس عطوني موعد ل24/2 ابتدي دوام والوظيفة مكتبيه عادي يعني دايما قاعدة مافي مجهود الا خفيف بس مشوار الطريق شويه متعب ساعة الاربع بخلي السايق يمشي بطئ ان شاء الله اوصل بعد ساعة ونص عادي:27:
    والترجيع للحين ماخبروني كم بويضة وكل شوس اتصل فيهم يقولو لسا ماجا الدكتور طفشوني ابغى اعرف كم بيبي على الويتنج ليست صار عندي حبايبي اجنتي الصغنونه مادي ايش يسوو فيهم في المختبر
    واتوقع امنية ان الترجيع صار متاخر لان السحب صار بدري يعني تخيلي انا من اول يوم دورة اخذت ابر تنشيط وبس لمدة سبعة ايام وبعدها على طول الابرة التفجيرية وبعدها السحب على طول فيمكن خلى الدكتور احتياط يوم زيادة واصلا سمعت احسن بعد التلقيح يخلوهم البويضات ثلاث ايام عشان الانقسامات ومادري وانا سحبو مني 10 بويضات بس ماعرف كم وحده تلقحت ان شاء الله النص على الاقل وبس تعبت من الكلام واااجد
    اشوفكم قريب حبايبي وادعو لي بكرة رايحة الرياض ان شاء الله
  2. @rfrysh

    حلا البحرين
    اختي رفريش الله يتمم عمليتك على خير وتبشرينا بخبر حملك وصدقيني اختي انا تفائلت لك كثيييييييير مو يقولون الطفل مايجي الا برزقه وهاذي البوادر بدت :27: اقبلي الوظيفة وسارعي بالاجراءات ومن بعد الترجيع ممكن تاخذي اجازة مرضيه لو لاسبوع و…
    شكرا عزيزتي على تفاعلللك معي وان شاء الله اعطيهم خبر اليوم اني اوكية بس ان شاء الله بعد النتيجة سواء ايجابية او سلبية ولله الحمد وان شاء مثل ماقلتي الولد مايجي الابرزقة صحيح يااارب دعواتكم لي

    وبصراحة انا في رايي مثل اختي امنية انك تغيري الدكتور حالا وانا بالعكس الي سمعته عن احمد بركات انه مادي بعض الشي وانا انصحك تروحي لدكتورة موزة في العسكري انا مجربتها وكنت متزوجة من اربعة شهور وهي اكتشفت لي المرض على طول وانا ماصدقتها وبعدها بسنه رحت لدكتور ثاني واكد لي المرض بعد ماتطور يعني لو اني سامعة كلامها من اول ماكات تطور المرض وفي كمان دكتورة زينب عندكم مرة كويسة ويمدحونها وطبعا انا رحت لها كمان كويسة وتعاملها لطيف وحنونه واذا تبغي نصيحتي تعالي على نفسك شوي واحجزي طيران وكلها نص ساعة وانتي بالرياض حتى لو لحاللك تجين الصباح وترجعي المسا ترى في الرياض اكثر من دكتور شاطر وانا والله رحت الرياض لدكتور عبد العزيز الشهراني والحين بعد الثلاثة شهور لما كشفت كل دكتور شافني يقولي ماشاء الله ترى دكتورك كثير شاطر بعد الله اشكرية وارسلية له اي شي لان الي سوااه لك شي مرة فظيييع واي احد يكشف عليك مايلاحظ وجود اي اثار بطانة وللعلم ان كان عندي التصاقات جدا شدية وانبوب مليان كلة موية وحاله وكل شي بحوول الله راح الحمد لله بفضل االلله ثم هالدكتور ثم نصايح البنات وماتدري كيف لفيت انا على يمكن 16 دكتور في خلال سنه تخيلي ماخليت شي

    فاختي حلا بلللللليز رجاءا غيري الدكتور ولا تاخذي ولا دوا ولا تسوي ولا خطوة الا لما تسالي كثير كثير وروحي كذا مكان مو بس البحرين تعالي الرياض روحي الاردن مرة كويسين حتى دبي مركز الاخصاب ولا تقولي ماقدر وباحاول ووضعي مايسمح ترى الي يبغى شي يعرف والله من تجربة واذا تبغي في مكان بلندن في وحده ماجابت عيال من ست سنوات وماكان عندها بويضات زرعو لها بويضة وسوو لها اطفال انابيب وحملت بتوام بنات وهي ماخخلت مكان ماراحته والكل يقولها مستحيل تحملي ماعندك اساسا بويضات فلي يسعى ويروح ويتعب ويسال يلاقي حل باذن الله والله مايضيع لنا ولكم تعب يارب

    معذة اختي حلا على الاطاله وسوري على اسلوبي اذا كان قاسي شوي وعارفة انك يائسة ومحبطة ومتالمة وكلنا قلوبنا معاكي والي تمري فيه مو شي بسيط بس الواحد مايقعد يبكي ويون ويتالم ولا يسوي شي حاولي حاولي كثيير وربي بيعطيكي الصبر والخير كله بيجي مرة وحده وبوقته يااااااااااارب

    حبيبتي لاتياسي من رحمة الله ابدا (ادعوني استجب لكم )
    اكثري من الدعاء بقلب صاادق خصوصا في قيام الليل والله يوفقك يارب في كل خطوة ويصبرك حبيبتي
  3. رفريش
    شكرا عزيزتي امنية استفدت كثير من الموضوع يجننن وللاسف ماقرات نصايح قبل عملية السحب والتنشيط
    اللهم صل على محمد وال محمد

    اَللّهُمَّ اِنّي أَسْأَلُكَ سُؤالَ خاضِع مُتَذَلِّل خاشِع اَنْ تُسامِحَني وَتَرْحَمَني وَتَجْعَلَني بِقِسْمِكَ راضِياً قانِعاً وَفي جَميعِ الاْحْوالِ مُتَواضِعاً، اَللّهُمَّ وَأَسْأَلُكَ سُؤالَ مَنِ اشْتَدَّتْ فاقَتُهُ، وَاَنْزَلَ بِكَ عِنْدَ الشَّدائِدِ حاجَتَهُ، وَعَظُمَ فيما عِنْدَكَ رَغْبَتُهُ، اَللّـهُمَّ عَظُمَ سُلْطانُكَ وَعَلا مَكانُكَ وَخَفِي مَكْرُكَ وَظَهَرَ اَمْرُكَ وَغَلَبَ قَهْرُكَ وَجَرَتْ قُدْرَتُكَ وَلا يُمْكِنُ الْفِرارُ مِنْ حُكُومَتِكَ

تابعي تجارب أخرى من هذا القسم.