في بيتك مدخن....أدخلي أفيدي وأستفيدي

الله يهدي الجميع

صباح الخير للجميع
مشكورين على التفاعل...بس أشوف في أغلب الردود يأس....وهذا الشي ماأبيه حنا هنا نفيد ونستفيد...أنا معكم فيه بعض الحالت ميؤس منها بالنسبه لنا بس الله قادر على كل شيء.
ابي شعارنا ((لايأس مع الحياة ولا حياة مع اليأس )).
موضوع "المدخن "موضوع متشعب...يشمل نواحي كثيره في العلاج مثل ماذكرتوا (وضعه الأسري"أب, زوج" ,مزاجه,,عزيمته,حالته الماديه)وغيرها كثير.
بالنسبه للعصبي...هذا التعامل معه صعب خاصه إذا كان أكبر منك...يبيلك وقت تكسبين وده وبعده تكلمين في الموضوع....
أما المراهقين...""الله يصلحهم ويهديهم ""نوعين :1/عاقل ويقدر اللي أكبر منه ويحترمه.
2/لامبالي يسمع من اليمين ويطلع من اليسار...إن شاء الله ويسوي اللي يبي.
صار لي موقف مع ولد أختي وكان من النوع الأول(الله يصلحه)دخل علي في الليل ..سلم علي وأبتعد شوي..استغربت من تصرفه!! كأنه متضايق... شمتيت فيه ريح دخان...عرفت من شكله إنه متوتر..رحبت فيه...بعدين قلت له بأسلوب المستنكر ومكبره الشغله:فلان تدخن؟! قال لي :لا.قلت:أصدقني والريحه هذي؟ رد:كنت عند الشباب وأغلبهم يدخنون..قالها بأرتباك.مسكت وجهه...وقربت منه قلت أفتح فمك..حاول يتهرب..أكدت عليه. فتحه وكانت الريحه قويه...قلت له أنت شارب دخان هذي منك مو من الشباب حاول ينكر ,فرديت عليه وماخليت له أي مجال أنا أعرف علامات المدخنين...ولو تحاول تنكر الريحه اللي فيك ماتقدر تنكر لون شفايفك ولثتك شفها لونها متغير.. كنت أخاطبه بخطاب المندهش والمصدوم لأنه مافيه أحد مدخن من أخوانه""ولله الحمد"" وهو لاحظ هذا الشي...ماقدرت أكمل كلامي معه...طبعاً هو لما انتهيت طلع بسرعه....أما أنا ماقدرت أنام ذيك الليله من الصدمه...التدخين بالنسبه لي صار شي عادي لأنه أكثرمن واحد من محارمي مدخن....بس هو كان خبره علي قوي...يمكن تقولون حركتي معه تحوم الكبد...فعلاً أحس كبدي حامت بس تحملت عشان أثبت له إن المدخن تبين عليه علامات كثيره غير الريحه..لأن الشباب يمكن يكونون مقنعينه إن المدخن مايبين فيه إلا ريحته ويهذ مقدور عليها بخه أو بختين من العطر" وكأن شيئاً لم يكن" والحمد لله كانت الأولى والأخيره الله يثبته.
عندي أكثر من طريقه ماجربتها بس من فتره طويله تدور في راسي..بحاول أكتبها...لكن أترك المجال لكم .

الله يهديهم ان شاء الله والله احيانا نصير كانا مدخنين من ريحتهم بس اي واحد مدخن مايتقبل النصح ولا يحس في الي مايدخنون ارجو من الاخوات منقاشه الموضوع بجد ووضع العلاج

اهم شى العزيمة والاصرار من نفس المدخن وغير كذا لا والله يبعدهم شره

رفع