السلام عليكم ورحمة الله وبركاته
أختي الكريمة..
مع حسن الظن بك..وانتي ان شاء الله انك محافظة على عباداتك ..
لكن هذي نصيحتي لكل البنات اللي يقولون ننخطب ولا نتزوج..
أقعدي بينك وبين نفسك وراجعي علاقتك بربك..
وشوفي من أي ناحية قصرتي..ذنوب تركتيها من دون الاستغفار عنها..
يعني حاولي تطورين من نشاطك الديني..
عندك النوافل بأنواعها..
عندك الصدقة..
عندك الصيام..
عندك الدعاء لنفسك وأهلك والمسلمين..
عندك الاستغفار..
عندك قيام الليل..
عندك صلاة الضحى اللي تعدل 360 صدقة..
عودي الى سنن رسول الله صلى الله عليه وسلم
وراجعيها وحاولي تتبعين اللي تقدرين عليه..
وافضل جالب للبركة والرزق القران الكريم..
افضل شي اعمليلك جدول ووزعي فيه هذي الاعمال...
ووزعيها على خانات الشهري والاسبوعي واليومي..
بحيث يكون عندك في كل يوم عمل بسيط..
عشان تقدرين تحافظين عليه..
لان افضل الاعمال عند الله ماقل وداوم عليه العبد..
يمكن تقولين والله شغله..بس بهذي الطريقة تتعودين على هالاشياء
وتلقائيا تسوينها وماتحتاجين الى من يذكرك..
يمكن ماتقتنعين في كلامي ولكن مو بالضرورة يكون عين او سحر
هو اللي مانعك من الزواج..
مع انهم احتمالين واردين..
ولكن قد يكون أصلا قلة توفيق..
فإنتي أصلحي هذا الجانب أولا ثم ابدأي بالرقية الشرعية..
أسهلها عليك..قراءة الفاتحة وآية الكرسي والكافرون والاخلاص والمعوذتين..
وانفثي في كفيك وأمسحي وجهك ومااقبل من جسدك ثلاث مرات..
وانفثي في ماء وزيت زيتون..
كرري العملية في اليوم الواحد من مرتين الى ثلاث مرات..
الشرب من الماء المقري عليه ثلاث مرات..
الادهان بالزيت (قبل النوم)يوم بعد يوم الا ان كانت بشرتك وشعرك يتحملان الدهن كل يوم..
وحافظي على غسل اماكن الدم بعد الغسل من الدورة الشهرية بمقدار من المسك المخفف بالماء..وداومي عليه..
ان كان فيك شي..بيضمحل ..ومع الوقت بيروح..
وان مافيك شي فإنتي تقربتي الى الله بإتِّباع أسباب الشفاء واللي هي الرقية الشرعية..
وداومي على الاذكار وعشان ماتستصعبينها خذي منها دعاء واحد وقوليه الصبح والمغرب...
أما التوفيق فهو على الله ولا تستعجلين وان شاء الله بيجيك اللي يسرك..
أسال الله ان يرزقك الزوج الصالح اللي يعينك على دينك بدنياك..ويساعدك على الطاعة..
ويرزقك الذرية الصالحة ويجعلهم من حفظة كتاب الله ومن عمار المساجد..
هذا ماوفقني اليه ربي...
وصلى الله وسلم وبارك على سيدنا محمد ..
الله يجزي صاحبه الموضوع كل خير.
متفائلات الاربعين والثلاثثين13 عرايس 2010بأذن الله
متابعة النقاش، صفحة 233
