بنات عمان يتفضلون: >>>>>> صلاله

لو سمحتو بنات عمان ابغى اعرف المناطق السياحيه في عمان وخاصه صلاله يعني مطاعم سكن منتزهات
ترى سمعه صلاله مره نظيفه وتلق :41: لاتخيبون املي
يالله شدو الهمه واستلمو الكيبورد .....وعلموني

5 تعليق 769 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ahlam_kbyrh

    هلا موتشا حبيبتي صلاله منطقه سياحيه ولااروع منها سبحان الخالق خاصة خلال هالفتره من شهر يوليو الى سبتمبر الجبال والوديان والسهول على مد النظر وكلها خضره وضباب

    بالنسبه للمنتزهات كثيره جدا وصلاله كلها عباره عن منتزه طبيعي و المطاعم موجوده بكثره ايضا وفيه االفاخر والمتوسط والسكن ايضا الفنادق من خمس نجووم الى نجمه :) والشقق المفرو شه تتراوح اسعارها بين 150ريال سعودي و 400و500

    زوريها مره وراح ترجعين مرات و مرات
  2. @aryn

    طيب أختي .... صحيح أن البعوض كثير عندكم في المنطقة ...؟؟؟

    كثير ناااااااااااااس خوفونا
  3. @ahlam_kbyrh

    في الحقيقه هو نوع صغير جدا من الذباب مش بعوض وموجود في الوديان فقط وتباع في الصيدليات المحليه مراهم يدهن بها الجلد للوقايه من لسعات هذا الذباب
  4. أنا امس بالليل راجعه من صلاله الجو روعه والمنطقه كلها سياحيه سكنت في هاملتون بلازا حلو ونظيف وإيجار الجناح 500 في اليوم وعندج الهلتون وفيه فنادق ثانيه .... أكثر منطقه حبيتها المغسيل والمنطقه اللي صوب مدينة الحق خيااااااااااااااليه لا اطوفينها...ما ادري ليش الناس متخبلين على اوروبا وعندنا هالمنطقه الروعه...أما عن البعوض مثل ماقالت الأخت مب بعوض مثل اللي عندنا وفيه لوشن او مرهم تدهنين منه قبل ما تطلعين ناحية الوديان والصراحه انا ماشفته الا في عين جرزيز والمنطقه الجبليه اللي بعدها وتراها ما اتأثر في كل حد يعني مب أي حد تبين فيه لسعاتها عني انا ماصابني شي على رغم اني ما استخدمت اي مرهم...وخالي الوحيد اللي ياته حبوب صغيره من لسعاتها ....
    اللي بيروح بيحصل خريطه فيها كل المناطق الأثريه والمميزه هناك...والمطاعم عندكم مطعم بن عتيق الشعبي للأكلات الشعبيه بكل انواعها وفيه مطعم بعلبك اللبناني...وغيرهم اشكثر مطاعم...
    اللي بيروح أقوله ما بيحب يظهر منها واذا ظهر لازم بيرجعلها....
  5. السلام عليك اختي
    انا عمانية واقولج المكان جنان يعني يكفي تشوفي الخضار في كل مكان والهوا يرد الروح انا الصراحة رحت مرتين الاخيرة كانت السنة الماضية بس يقولون السنة هذي احسن لان الامطار كانت اكثرويات ابكر,
    بتلاقين مطاعم كثيييييييييرة مرة على الشوارع في السهول تبيع المشاوي ووصدقيني من روعة المكان راح تنسين الاكل اما بالنسبة للسكن فنحن كنا نستاجر شقق احسن وارخص وتكونيين على الراحات
    والمناطق اللي اذكر:عين ارزات, عين جرزيز,البليد,المغسيل,ومناطق كثيرة حلوة مرة

تابعي تجارب أخرى من هذا القسم.