١. اذكري لي قرارا اتخذته في حياتك.. كيف اتخذتِ هذا القرار وعلى أي اساس ؟
قرار أن أصبح اكثر هدوءا و التخلص من القلق و العصبيه
اللي أثرت بشكل سلبي جدا على علاقتي بزوجي و بولدي
اتخذت القرار هذا لما وصلت الامور لشي ما كنت اتمناه
و على أساس اني من جد ابي أتغير للأفضل
لأني ما كنت أبدا عصبيه وقلقانه كذا قبل الزواج
و كنت متأكده إني لو ما أعالج الحاله الصعبة اللي كنت فيها راح اخسر أشياء كثيرة
أولها احترامي لنفسي
لأني كثيييير ما قررت و خططت لكن ما أطبق ولا أسوي أي شي الا لأسابيع
فقررت قبل سنين اني أستشير اخصائية وبالفعل حجزت عندها وبعد كم جلسة معها
و كم تهزيئة منها الله يجزاها بالخير أحس اني أحسن كثير عن أول
لكن في الوقت الضايع مدري ليه ..؟؟ ... لأن ولدي الحين تعود على عصبيتي
وماعاد يتقبل مني أي شيْ
علاقته بأبوه و بس تخيلي هو اللي يدرسه وياخذه معه دايما برا
حتى يوم كان صغير هو اللي يلبسه و يأكله
ما يثق فيني خير شر < بيكمل سبع سنين بعد شهرين
و أنا أعترف لك ان علاقتي السيئة فيه خلتني أتأكد أني ام فاشله بمعنى الكلمة
وكلها بسبب عصبيتي و قلقي < تقول الأخصائيه لأنك ما نظمتي وقتك و حياتك
و قرأت كثير في مجال التربيه و ربي ما نفع إلا مع بنتي
مدري ..؟؟ هل لأني أطبق معها كلام الاخصائيات ..؟؟
ياليت كنت كذا مع الولد يوم كان في سنها
بإختصااااار : ابي أتخلص من العصبيه نهائيا ... أريد أن أكون اكثر هدووووء
لأني صااااااخبه و صريحة جدا < يا خزياه
و الهدوء و العقلانية سوف تمكنني من تحقيق اشياء كثييييييرة أطمح لها
٢. اذكري لي قرارا تحتارين فيه الان.. وتريدين ان تطبقي عليه نظام 10 10 10
القرار اللي اتخذته اني أبدأ في التمارين الرياضيه اللي أماطل فيها دايما مع إني مجربتها
وعشت نتايجها الحلوة على جسمي و نفسيتي
لكن التقاعس و تضييع الوقت مشكلتي الكبرى وهذا اللي ابي أتعلم كيف أسيطر على العادة القبيحه هذي < إضاعة الوقت بشيء غير مفيد
أبي أصير أكثر ترتيب و تنظيم لأن بدونهم وربي ماراح احقق شي
أبي أنظم وقتي لكن كيف أبدأ و أنا اللي كنت أحاول اقسم وقتي ..؟؟
_____
جزاااااااااااااك الله عنا كل خير اختي مرج
وجزا اختي ام نسيبة كل خير لأنها دلتني على موقعك الخاص
و اختي الحبيبة امل لأنها دلتني على الدورة هذي
10 دقائق 10 شهور 10 سنوات / دورة من تقديم **مرج الزهور**
متابعة النقاش، صفحة 40
