خلاصه تجاربي وروتيني الاسبوعي لشعر وبشره تخقق

السلام عليكم ورحمه الله وبركاته
أخباركم حوائيات وعلومكم مع الاختبارات :icon33:أنا دائما أدخل قسم الشعر والبشره لأني مهووسه فيها ويسموني في البيت (فاره تجارب)من كثر ماأجرب من الخلطات الي بالمنتدى والي في قناه بدايه والاخصائيات الي يجون في التلفزيون وعبد الباسط السيد وجاير القحطاني وقررت اليوم اكتب كل شي استفتدت منه لاخواتي الغاليات علي (من شعر خفيف ومتساقط والفروه باينه من صغري الى شعر كثيف وطويل ) اما البشره فانا بشرتي حلوه لكن بقول الي جربته
خلاصه تجارب الشعر
انا شعري من يوم انا صغيره واهوا مبهذل أمي الله يحفضها قليل مره ومايطول بعكس امي وخواتي
طول وكثافه وانا احب الشعر الطويل مره بازواجات يومأشوف شعور البنات أتحطم (البنت زودتها قامت تقص قصه مو خلطه )
المهم ما خليت شي ما حطيته ما سوى شي الي ناسب أمي وخواتي ما نسبني وبعد الزواج برضه حتى زوجي قام لاشف شي للشعر سواه والحين لي سنه الحمد لله كل من شافني من الي يعرفني وانا صغيره قال وشغير شعرك بالصراحه أنا ما شوف ذيك الكثافه المطلوبه لكن الي حولي يقولون صاير كثيف ولو تستمرين يكثف أكثر
الخلطات هي كل يوم ما عدا الجمعه واحيانا الخميس ما أحط لكن كل خلطاتي أخليها 6ساعات نادر اخليها 3ساعات
الخلطه الاولى (خلطه الثوم والبصل والعويدي أغليه وأحط ملعقه حنا وسدر و آس والي ما تبي الحنا تتركه)
الخلطه الثانيه(فنجان حلبه ونصف فنجان حبسوداء تطبخ في ماء لمده خمس دقاثق وتوضع في خلاط الطماط مع ملعقتين سدر ):09:يعيني على الريحه بس من بغى الزين ما قال أح
الخلطه الثالثه (كثيرا منقعتها في ماء بعدين تحطينها في الخلاط مع بيضه وخميره وسدر وآس وحنا ملعقه من كل نوع )
الخلطه الرابعه (حزمه جرجير مع كوب ماء ضعي في الخلاط وثم في الثلاجه وكل يوم خذي من الماء ودلكي الفروه وبعد ساعتين حطي الخلطه الي تبين من الي سبق )
الخلطه السابقه والقنبله وهي لدكتور عبد الباسط (ملعقه أملج مطحون مع كوماء مغلي وتدلك فروه الرأس)
الخلطتين الاخيره ا-أي زيت يقلى بثلاث ثوم طازجه واذا الثوم مطول عندك حطي رأس كامل وبعدين صفي الخليط من الثوم واستخدميه مرتين بالاسبوع
وبرضه حطيت زيت في علبه وحطيت فيه رأس ثوم ونقعته 10ايام وبعدين استخدمته
2-حزمه جرجير مع أي زيت مع فنجان حلبه ومحلب وحبه سوداء وقشر رمان وسدر واس وتنقع 10يوم وتستخدم
وللمعلوميه أنا قعدت شهر بالخلطات الاولى بدون خلطات الزيوت وبعدين تدريجي دخلت هذي الزيوت بعد ما بان الكثافه والشعر الجديد ونصيحه الزيوت ما تعطي نتيجه مثل الخلطات
والحين انا أستخدم خلطه أخت حور الجنان لطول والكثافه بس شلت زيت العود الازرق وحطيت زيت الخردل والفازلين وعافيه ونارجيل مغلي فيه ثوم ولي شهر ثلاث مرات بالاسبوع واحس شعري طال 3سم في الشهر وبكمل الين تخلص واشوف استمر ولا اتركه مع العلم اني استخدم فتامين للشعر وحديد
نجي للبشره
غسول مكون من ماء وملح خشن كل يوم صبح ومساء من اخصائيه يجنن يبنات تنسين الحبوب الي بالوجه وخاصه وقت الدوره وأول ما تستخدميها بيولع وجهك ومع الوقت يصير عادي
غسول مغلي قشور اليمون والبرتقال وبعد ما تصفيها حطي ملعقه نشاء وحطيه بالثلاجه صباح ومساء
وماء ورد صبح ومساء
كريم مرطب أي نوع انا استخدم فازلين بالكاكاو و نيفيا وجلسويد وفازلين عادي
وتمتعي ببشره بيضاء وصافيه ونضره لكن مع الاستمرار
***** الله تعجبكم وأدعولي بصلاح الذريه والثبات على الحق
وســـــــــــتلامتــــــــــــــكم







31 تعليق 6,022 مشاهدة

شاركي في النقاش

سجلي الدخول لإضافة تعليق.

التعليقات

30
  1. @ataabtny_dnyty_1

    الله يجزيك خير

    ويرزقك من خير الدنيا والآخره

    خلطات حلوه

    بسألك عن الخميره انا سمعت انو تخلط مع زبادي ومايونيز وزبده وبيضه

    انا مره عملتها مع حنا بس بدون زبده لأن شعري دهني

    وانتي تقولين حطيها مع الكثيره يعني عادي لو حطينها في اي خلطه

    صارت شعورنا حقل تجارب هههههه



  2. @mrk_hoaaa

    خلطاتك مره حلوه

    بس شكل الخلطه الثانيه مفيييده بس الله يعيني على الريحه

    وش تحسين احسن خلطه

    مشكوره يالغاليه

تابعي تجارب أخرى من هذا القسم.