أقدم لكم اليوم مدفونتي
وعلى طريقتي لا السدة ولا ريدان
مدفونة لوتس هي الكلام
جا البابا من السفر وطبخت هذا العشا
وكمان رووووووووووووووووووووعه
نبدأ بسم الله
المقـادير:
حبة دجاج ((ممكن تستبدليها بلحمة))
بصلة كبيررررة مقطعة لحلقات
فصين ثوم برضو حلقات
وللتتبيل-
صبغة الأرز الملونة الصفراء أو البرتقالية- بهارات مشكلة مطحونة ناعم
كركم ناعم
ملح <<ملعقة صغيرة مررة-نص مكعب ماجي
الطريقة:
ألبسي القفازات لان يديكي حتتعدم مرررة من الصبغة
نقسم الدجاجة من تحت من النص قفط من أسفلها
بدون نزع الجلد
وبعد كيذا حطيها في زبدية
وحطي في أيديك الصبغة والكركم وأبدئي أفركيها تمااااااام
لما تتشبع الدجاجة باللون
بعد كيذا حطي برضو بقبضة يدك البهارات المشكلة
وأفركيها تمااااام ومن تحت من أسفلها ومن الداخل عبيها
وبعدين أضيفي الملح والماجي وأفركيهم تمام
ماتكثري الملح ملعقة صغيرة لأن الماجي بيمسك فيها
لما تصبح بهذا الشكـل
بعدين خذي قدر الضغط
ورصي بأسفله البصل والثوم وشووية زيت
زي كيذا
وبدون مايسخن ولاحتى تقليب أضيفي عليهم الدجاجة
بس أقلبي الدجاجة
بهذا الشكل
وأضغطي القدر
لمايصفر ورخي عليه
وأحسبيلها عشر دقائق فقط
على جنب مسوية رز أبيض
نص أستواء
أفتحي على الدجاجة
وبيكون شكلها هيك
أضيفي عليها الرز وأكتميها بس كم دقيقة عشان يشم الرز ريحتها
ولاتنسي تضيفي شوية لون للرز
وأكتميــــــــــها
وبعدين
بخريها
بشوية زيت أضيفي عليه فحمة
بس اكتميها بسررعة
