السلام عليكم ورحمة الله وبركاته
وش اخبار الحوائياااات
اتمنى انكم تكونون بخير
يابنات مابي اطول عليكم
خير الكلام ما قل ودل
هذا عندي خالي سلمكم الله شاب الله يحفظه
وعمره 28
لنا اربع سنين وحنا نحن عليه تزوج وش تحتري بنخطبلك
وهو ياجل لانه ملازم وياخذ دورات
مره دورة الصاعقه ومره دورة الضفادع البشريه
ومدري ايش
المهم انه الحين في باكستان هذي اخر دوره له
له 7 شهور بهالدوره الله يعينه
بيجي بعد اسبوع او اسبوعين الله اعلم
المهم ابشرررررررررركم طلب منا اننا نخطب له
حنا والله فرحناااااله وانبسطنااااا
بس عليه شرط عجيب غريب
مااااااااااااااايبي الا >>>> مطلقه
قلنا له ليش وش الحكمه
قااااال بغير المطلقه لاتكلموني
طيب انت شااااب وكل بنت تمناك وظيفه وبيت
وخصوصاااا وحده من قرايبنا تموت عليه وتبيه
والبنت اخلاق ودين وحبابه وعلم
قااااال والله ما اتزوج الا مطلقه
طيب حنا ما قلنا شي
مدام هذي رغبته
والمطلقااات مايعيبهم شي
بس ما حولنااااا احد
لي بنت عم وحده مطلقه بس نفسيتها تعبانه وتستخدم علاجااات الله يشفيها
ووحده اعرفها من بعيد مطلقه من 4 سنين وعندها بنت بس رافضه الزواج
لان زوجها مهددها لو تزوجت بياخذ البنت منهااااا
ووحده من جيراننا مطلقه لان زوجها كان عقيم جلست معه عشر سنوات
تزوجت وعمرها 16 والحين يمكن عمرها 27
وجسينا النبض وصارت مخطوبه الله يوفقها ويرزقها الذريه
هذولا اللي اعرفهم من قرايبي اللي حولي
اليوم جالسه اسولف مع وحده بالمدرسه
وقالتلي ان امس زارونا صديقات اختي اللي بالجامعه
وان صديقتها فلانه الفلاني قمه بالجمال
وانها تزوجت شهرين وتطلقت
ولها سنه مطلقه
انا هنا كنه جاني الفرج
وجلست اسال صديقتي عنها
بس للاسف البنت ابدا ابدا ماتناسبنااا
مابي ادخل بالاسباب عشان مانتكلم بالناس وطبايعهم
وانا ضاق صدري
وش السوات يابناااات
والله ما حولنا احد
صرنا نسال الناس ماتخبرون وحده مطلقه
انا عاد جلست احلل شخصيت خالي
وش الحكمه مايبي الا المطلقه
واتصلت على دكتور نفسي بالرياض وشرحت له وضع خالي وطلبه
قالي كذا سبب
ومن بينها انه يخاف من الدخله
اخبر البنت تخاف مو الرجال
هي احتمالات
ومانعرف السبب الحقيقي لها الطلب
يابنات وش نسوي
حنا ما اعترضنا على المطلقه
لا والله على العين والراس
بسسسسسسس مالقينا
البنات وهن بنات على كثرهن لاجيتي تخطبين ماتلقين
فما بالك بالمطلقااااااات
وش راي كم يا حوائيااات
والله حيرنااااا
الموضوع مغلق