زوجي يبي يسافر بكره ل..... وانا مرة مقهوره

السلام عليكم ورحمة الله وبركاته
اليوم جاء زوجي وقالي يبي يسافر بره المملكة مع صديقة
وانا مرة مقهوره :mad:
انا كنت جالسه عنده قبل فتره وكان يكلم صديقة وفهمت انهم بيسافرون
وقلت له وين قال الامارات قلت الامارات والا ...........؟
لانه 3 مرات قال بروح للامارت وطلع مسافر ل...........؟
صديقة هذا حق بنات وهو دايم يسولف لي عنه ومرات القى رسايل في جوال زوجي صور بنات
من اللي يكلمهم
ويرسلونها له وهو برسلها لزوجي ومرات الاقي رسايل من البنات هذولي يسألون زوجي عن صديقة
بس ما اناقشه بشي احاول امسك نفسي لاني مره عصبيه وهو اذا زعل يقلب الدنيا فوق تحت و
وانا عندي 3 اطفال مابي اخرب بيتي
وجوازه كان عند صديقة كل ما اقوله جب جوازك يقول نسيت
ولما جدده جابه معاه وخلاه على التسريحة ونام وانا اخذتة وشفت كل سفراته
كلها ل .............؟ وهو كان يقول للامارات
واجهته وقال ادري بتزعجيني قلت له ليش كذبت علي انا اتقبل الصدق حتى لو كان مر
سافر لأي ديره بس قلي الصدق لاتكذب علي .
وهو مره طيب معي بس صديقه هذا ينخاف منه اخاف يخرب زوجي ويصير زيه
وهو بكره مسافر وانا اسوي نفسي قدامه مو متضايقة وانا مره مقهوره والنار شابه بصدري
مدري وش اسوي انا ما اقدر امنعه لانه رايح رايح رضيت والا مارضيت
:44:
هذي 4 مره يسافر للدوله هذي في اقل من سنه
اول مره في شعبان ونا حامل وترجيته وارسلتله وسفهني وراح
بعدها بشوال بعدها بذو القعده وهذي المره الرابعة
انا مره مسالمه مااحب المشاكل واذا ناقشته بشي مايرد علي واللي براسه يسويه

شوروا علي ياخواتي تكفون بموت من القهر:icon33:

101 تعليق 32,379 مشاهدة

شاركي في النقاش

سجلي الدخول لإضافة تعليق.

التعليقات

99
  1. @ghyrlan

    قوليله تروح وترجع بالسلامه

    وذكريه بالحلال والحرام

    والامراض اللي تنتقل من العلاقات المحرمة

    عشان يخاف ومايفكر يسوي شي غلط
  2. @aazty_mn_smo_thaty

    لاحول ولا قوة الابالله
    الله يكون في عونك ويصبرك ياختي
    ربي يهديه ان شاء ولا يسافر الله يكره ان شاء الله في روحه ويجلسي معكم




    دعوتكم لي
    اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
  3. @ataam_alkhlk

    الله يباعد بينه وبين صديقه بعد المشرق عن المغرب ..
    بس زوجك شكله ادمن على ذا الدوله الله يستر بعد يمكن يكون متزوج ويتردد عليها كل فتره

تابعي تجارب أخرى من هذا القسم.