ابي ارضع ولدي ساعدووووووووني

حبيباتي

انا اعاني من مشكله ولدي كان بالبدايه يرضع من صدري عادي

بس مع الايام وهو كمل الشهرين صار يعصب اذا برضعه ويصيح

لانه مايجيه الحليب مثل المرضاعه :(

مادري شلون اخليه يرضع مني مع العلم يابنات اني مااكل وايد يعني كل يومين وجبه احيان تمر 3 ايام مااكل شئ مالي نفس

اذا في شئ يسوي الحليب واذا عندكم نصيحه لاتبخلون علي فيها

5 تعليق 1,820 مشاهدة

شاركي في النقاش

سجلي الدخول لإضافة تعليق.

التعليقات

5
  1. @shfa_almgroh

    حبيبتي الظاهر انتي علمتي ولدج على المرضعة لهالسبب هو يستسهل المرضعة ويترك الرضاعة الطبيعية لأنها تحتاج لجهد أكثر ونفس الوقت تمرن عضلات الفم .. نصيحة مني قليلي من المرضعة أو اقطعيها وخليه يرضع طبيعي بيصيح في البداية بس باذن الله بيرضع عادي ... فايدة الرضاعة الطبيعية أكبر بكثير من الحليب الصناعي ..

    واذا تبين شي ادر الحليب وما يمتن عندج السمك المشوي مثل الهامور والنقرور واذا ما اتحبين المشوي اقليه او سوي فيه اللي تبينه .. نفع معاي والحمدلله واعرف كثير من الحريم يمدحونه ..

    حتى منقوع الشمر لو تاخذينه اول الصبح على الريق يفيد .. الله يحفظه لج ويهديه :)
  2. @onh_alm_1

    حبيبتي المرضاااعه بالنسبة للطفل اسهل بكثيرررررررررررر من الرضاعه الطبيعية

    ومن تعلمينه على المرضااعه خلاااص يعووف صدرج

    فأنتي شكلج كنتي ترضعينه بالمرضااعه كثيرررررررر من جذي اللحين خلاااص ما يبغى صدرج

    اللحين حااولي اكثر واكثر إنج ترضعينه من صدرج

    واكلي خضره اكثر

    لاني سمعت إن الخضره هي تزيد من ادرار الحليب
  3. @bnoth_17

    صاحبة الموضوع
    هلاا وغلاا شفا المجروح

    تسلمين حبيبتي على مرورج بس انا مااحب المئكولات البحريه كلش

    هلاا والله ونه الم

    تسلمين عيوني على النصيحه

    بحاول اجرب اللي قلتولي عليه والله يهديه ويترك المرضاعه

    المشكله يابنات ان بطنه وايد منتفخ صاير مثل البلونه كله غازات

    حتى الدكتور قال هذا لانه مايرضع طبيعي

    بنات صحيح الرهش يسوي الحليب؟؟؟
  4. @aasafyr_lamaa

    سمعت عن الرهش انه يدر حليب

    وعن الكزبره او البقدونس ماني ذاكره

    بس افتكر الكزبره تفرمينها ناعم وتحطينها على صدرك

    و5 دقائق باذن الله والحليب فل
  5. @alshaal

    بسم الله

    جربي هذي الخلطه .......ولا تعطين طفلك ابد ابدا الرضعه الصناعيه

    هذة خلطة من الأعشاب تساعد على إدرار الحليب
    1-ملعقة صغيرة كمون
    2-ملعقة صغيرة يانسون
    3-ملعقة صغيرة شمر
    4-ملعقة صغيرة حبة سوداء
    5-ثلأث ملأعق صغيرة شبت
    تخلط جميع المقادير ويؤخذ منها ملعقة كبيرة على كوب ماء مغلى ويترك مغطى مدة عشر دقائق
    ثم يحلى بلعسل ويشرب ثلأث مرات فى اليوم
    ****وصفة مجربة صدقونى بعدين ماتقدرون تلحقون على الحليب ******

تابعي تجارب أخرى من هذا القسم.