جهازي تم اختراقه

لي اسبوع ماني قادرة ادخل بالمنتدى لانه يقول كلمة السر او اسم المستخدم غير صحيح ,وحده من المشرفات ساعدتني الله يجزاها خير ولما دخلت على الرسائل الخاصه لقيت ان فيه رجال اخترق جهازي ومرسل لكم عضوه طلب اضافه على الماسنجرطبعا العضوات ارسلت لهم رائل تنبيه اليوم.
طلبي الان ابغى برنامج حماية قوي .
وكيف اعرف من وين اخترق الجهاز.
الله يجزاكم الجنة ساعدوني.
وهل تنصحوني اروح اسوي لجهازي فورمات ولا ما يحتاج.

5 تعليق 578 مشاهدة

شاركي في النقاش

سجلي الدخول لإضافة تعليق.

التعليقات

5
  1. هلا همسه

    اول شي انك تسوين فورمات مهم جدا لانه احتمال كبير جدا زرع لك ملفات تجسس بالجهاز كله ..

    ولاتفتحين ايميل او اي شي يطلب باسوورد ..

    وبعد ماتسوين الفورمات للسي والدي وكل محركات الاقراص ..

    اطلبي من المحل يركب لك نسخه كامله من برنامج الحماييه كاسبر سكاي لانه افضل الموجود الان ..

    بس أكدي انه يركب لك نسخه كامله مو تجريبيه ..

    والله يكون بعونك ..
  2. أهلين ..
    الفورمات للضرورة القصوى :)
    أولاً ماهي برامج الحماية لديكِ قولي لي كل البرامج الموجوده لكِ أعطيكِ برامج تساعدك بالتخلص منه.
  3. @dloaah2

    أنا أعاني لمشكله شبهه

    انا زوجي يستخدم البالتوك علشان محاضرات المشايخ

    ومن فتره اشوف بعض المسجات الفجائيه

    واليوم الرساله مكتوب عليه (روستر) وكأن يكلمني

    وعلامة ال(X ) على ايقونة البالتوك في شريط الأدوات تروح وتجي

    وانا كتبت الموضوع بس للأسف غلطت بالعنوان ومب عارفه شو أسوي

    http://forum.hawaaworld.com/showthread.php?t=354615
  4. صاحبة الموضوع
    مشكورات حبيباتي على الردود .
    وبالنسبه لاجهزة الحماية والله ما ادري لاني ماعندي خبرة بالكمبيوتر.
  5. @srab_alogod

    كثرت الفورمات تخرب الجهاز

    نزلى برامج حذف ملفات التجسس موجوده فى مواقع الانترنت بكثره

    وبالنسبه لبرامج الحمايه عندك الكاسبر والباندا

    وحاولى انك تعملين باسوورد لجهازك عشان الهكر مايخترقونه بسهوله

    ولمن تنزلين صور او اى شى على جهازك شيكى عليها بالانتى فايروس قبل فتحها

    ولاتفتحين رسايل ماتعرفين لمين

    وكل 14 يوم اعملى سكان للجهاز كله عن الفايروسات

    ودايماً تابعى اخبار ملفات التجسس والفايروسات بكذا تقدرين تحمين جهازك

تابعي تجارب أخرى من هذا القسم.