أختي بدوووووووووورة تكفين أبغى مشورتك بحكم خبرتك

أول شي أحب أقولك , الله يكتب لك الحمل ياااااارب ويرزقك بنوته تونسك وتونس اخوها ويشفيك ويعافيك
ياقادر ياكريم...
ثاني شغله ودي آخذ رايك, أنا امس رحت للدكتورة وسوت لي سونار وشافت حجم البويضه وقالت صغيره لازم
تاخذين ابرتين ابره اليوم وابره بكره تقصد وحده الاربعاء ووحده الخميس, طبعا هالابره عشان تكبر حجم البويضه,
أنا على بالي ابره تفجيريه مع اني مااعرف وش الابره التفجيريه بس أسمع البنات يتكلمون عنها, المهم يالغاليه
انا خوفت نفسي من هالابره ولا أخذتها أمس شوري علي آخذ وحدة اليوم ووحده الجمعه , هي المفروض آخذها
الاربعاء والخميس بس انا قلت خلاص بما اني مااخذتها الاربعاء باخذ وحده الخميس ووحده الجمعه...
عشان اروح لها يوم السبت بتسوي لي سونار مره ثانيه عشان تشوف حجمها...
وش رايك بدووووورة آخذها والا خلاص بس مااشوف الاشعه وأخليها تجي من الله....؟؟؟؟؟

2 تعليق 533 مشاهدة

شاركي في النقاش

سجلي الدخول لإضافة تعليق.

التعليقات

2
  1. @shkaoh_3

    استخيري حبيبتي انا مره زيك كتبتها لي الدكتوره وما اخذتها كان زوجي مداوم ويوم رجع ما كان بالطواري الا رجال ورجعت البيت وانا مضايقه ونفسيتي الله اعلم بها بس بعد يومين يوم رحت لها وشافت التبويض سئلتني اخذتي الابره قلت لها لا انصدمت والله قالت زين الحمدلله انك ما اخذتيها

    يعني يالغلا اذا ردك شي عنها او ماسمحت لك الضروف خلاص خليها ولا تسعين وراها

    عندي خلطه استخدمتها وانبهرت دكتورتي من نتيجتها تقول مفعواها مثل الكلوميد واستمريت عليها احسن من الحبوب

    الخلطه هي عسل وحبه سوداء حب رشاد وطلع النخيل وحبوب الحقاح تاخذين ملعقه عالريق مع كوب زنجبيل دافي وقبل النوم نفس الشي مع زنجبيل

    وووبس دعواتك يالغلا

    والله يرزقنا الذريه الصالحه عاجل غير اجل
  2. @tfl_bmshaaary

    صاحبة الموضوع
    مراحب اختي شقاوة....
    اول شي مشكوره حبيبتي على ردك, وصراحه أنا سويت بنصيحتك قلت صراحه صادقه يمكن سبحان الله ربي رادني عنها ماراح اتهور وآخذها اليوم, بس شرايك أروح أشوف الاشعه السبت والا لا, أخاف تقول ليش مااخذتي الابر؟؟
    وبالنسبه لخلطتك تسلمين يالغاليه ماقصرتي انا سبق وجربتها ولي كم شهر بس سبحان الله من ربي ماصار جديد, والحمدالله على كل حال...

    ثاني شغله أنا جالسه يالغلا احاول ارسل لك عالخاص بس موضابط معي انا اللي اعرفه بكل المنتديات لما أضغط بالزر الايمن يطلع لي عادي ارسال رساله
    بس هنا مو طالع لي ...
    حتى استخدمت الطريقه اللي بالرسائل الخاصه الموجوده عند اسمي اللي عند آخر زياره لي مو موجود رسائل خاصه مو عارفه ليش , ممكن تفيديني يالغاليه؟؟؟؟

تابعي تجارب أخرى من هذا القسم.