هل انا ؟؟؟؟؟؟؟؟؟؟؟؟سيئه لها الدرجه

السلام عليكم.......تكفون اخواتي ادعولي اولا بان الله يفرج همي؟؟؟؟؟؟؟؟
اخواتي انا بحاله لايعلم بها الا الله سبحانه وتعالى
زوجي سيصيبني بالجنون واصبحت اشك بنفسي
هو دايم خارج البيت لايصلي الا بعض الفراائض حسب مزاجه
يحب قنوات الأفلام وروتانا والأغاني
يحب السفر واناني جدا يحب راحته ووناسته وانا بالطقاق انا والعيال
مايجي البيت الا بس ربع ساعه
دايم يكذب علي لان من وجهة نظره الكذب يجوز على الزوجه
ياخذ الآيات والأحاديث من الوجهة الي تعجبه والي مايعجبه او الي ماهي لصالحه مايذكرها طبعا
اكل علي فلوسي والحين ينكرها علي ويقول ضاعت بالأسهم مع انه عنده الكثيروربي منعم عليه لكن لآني مالي حد بهاالدنيا فهو يستضعفني ومطمن ان ماحد راح يوقفه عند حده
يظلمني وكل ملقلت له اجلس عندنا يقول مشغول حتى لو ماهو مشغول بس الكذب طبعه ودايم يخلف وعوده وفلوسي الي امنته عليها غدرني ونكرها بحجة انها جاتني بلا تعب :icon33:
قهرني يابنات حواء وإذاني ويسبني ويشتمني باقبح الألفاظ ويلعني انا ووالديني
تاركني لتربية العيال وبس ويقول ان السنين الي فاتت يكفيك ماخذيتيه ولو تزوجت عليك خلاص لاتطلبين مني اسافر وامشيك يكفي السنين الي شافرتي فيها الحين برتاح مع الجديده وانت راحت عليك
يابقره ياخسيسه ياحقيره يادبشه هذي هي اسمائي عنده او على احسن الأحوال يابنت
ماسح اسمي من جواله يقول باخذ اربع مدرسات عشان يصرفون علي وعلى العيال لو حبوا يخلفون ويجيبون عيال وكل وحده لازم تجيب لي سياره اخر موديل وتسفرني حول العالم والا فانا اعرف كيف اخليها تكره اليوم الي تزوجتها فيه؟؟؟؟؟؟؟؟؟؟؟؟؟
واخليها تطلب الطلاق وتدفع لي كمان عشان اوافق اطلقها بس بعد مااقهرها واذلها
ويقول لو تزوجت خلاص ماراح انام معك ولاجماع ولا يجمعني معك لقمه ولا نوم وراح اجيك رابع ليله لانه يبيني اتعود من الحين ان عنده اربع . وفعلا سواها وماجاني الا بعد ست ايام
ماهو للفراش لالالا يعني جاء للبيت ؟لاني عنده خلاص مااعتبر زوجه ؟يمكن يعتبرني زوجه لو تزوج وهي جاتها الدوره ؟فهمتو
وانا بقهر وحرقه وغصه بالقلب ماحد يعلمها
يتركني بالليل مع عيالي ولو واحد مرض القاه مسكر الجوال
ممنوع اساله اي شي
علموني يابنات وش اسوي لانه فاصل عني خدمة الرسائل حق الجوالومعيشني بكدر ومضيق علي لاويقول افضالي عليك واجد
انا سويت وسويت ودايم يتمنن علي باي شي يجيبه لي لو حتى عصير هذا دايم يسويهويقول لاتنسين
وانا كل ماسبني اسكت وماارد واقوله جزاك الله خير وماقصرت ويعطيك العافيه
وكل ماشافني ابكي قال دايم تبكين ولايحن علي بكلمه ولا بسؤال
يعني هل انا بهاالسوء ؟هل انا انسانه ماني طبيعيه؟هل انا مجنونه؟هذي كمان من الكلمات الي يسمعني اياها؟
بس ساعدوني وش اسوي؟؟؟؟؟؟؟؟؟الله يوفقكم ادعولي .....

197 تعليق 18,073 مشاهدة

شاركي في النقاش

سجلي الدخول لإضافة تعليق.

التعليقات

188
  1. @hkayh_sbr

    الله يفرج همج ويصبرج على اللي انتي فيه ويعوضج خير
    ياقلبي والله انا ما عندي خبره بمواضيع الزواج والله ماني عارفه شقول بس تحملي واصبري واعرفي ان ربي
    وياج وعليج بالاستغفار وقيام الليل والدعاء والله يكون في عونج ويرزقج جنه عرضها السموات والارض على صبرج ياقلبي
    وان شاء الله مراح انساج من دعائي
    ربي وياج يالغلا
  2. صاحبة الموضوع
    حكايه صبر
    الله يفرج همج ويصبرج على اللي انتي فيه ويعوضج خير ياقلبي والله انا ما عندي خبره بمواضيع الزواج والله ماني عارفه شقول بس تحملي واصبري واعرفي ان ربي وياج وعليج بالاستغفار وقيام الليل والدعاء والله يكون في عونج ويرزقج جنه عرضها السموات والارض…
    مشكوره ياعزيزتي

    بس مثل ماوعدتيني لاتنسيني من الدعاء
  3. صاحبة الموضوع
    معقولة مافيه ردود من باقي بنات حواء
    بس رد الغاليه حكاية صبر
    تبغون تزعلوني
  4. @mhrh_777

    صلي آخر الليل وادعي ان الله يسخره لك ولعيالك ولاتملي وتقولي دعيت اصبري

    واحسني الظن بالله وان شاءالله ربي مايخيب رجاك 0

تابعي تجارب أخرى من هذا القسم.