!!!!!! تشتكين ولا تكتمين ؟؟؟؟؟؟

صح عمري صغير بس الدنيا ماترحم بس انا اللي مضايقني اني ماقمت اثق باحد وقمت اشك بلي حولي بس الحمدالله على كل حال
ولقيت طريقه تريحني اذا ابي اشكي لاحد من همومي هو اني اكتب همي ثم احرق الورقه واحس اني ارتحت قليلا طبعا مع الدموع الحاره
بس الحمدالله على كل حال والشكوى لغير الله مذله

rrr
اختي صادقه والله والحمد لله انه فيه احد تقدرين تشكين له همك بعد الله ويفهمك ولو ما عنده حل يواسيك الحمد لله هذي اكبر نعمه والله يخليها لك ان شاءالله ويجمعكم دائما ولا يفرقكم
آمين وتسلمين العفو...

*المنتـــهى*
الى الله المشتكى وحده هذي ما يختلف عليها اثنين وهو فعلا يسمع ما لا تسمعه البشر وهو اعلم بما نخفي ونعلن وهو ارحم الراحمين
اختي مشكوره على كلماتك الرائعه ودمتي...

!!الامبراطوره!!
وكلامك صحيح بس الواحد اذا ما عرف يحل مشكلته ومضطر انه يقول لأحد ولازم يعرض الأمر حتى يقدر احد يساعده في هذه الحاله لازم يشكي!!! بس الشكوى لغير الله مذله...
وتسلمين على مرورك...

ريمـاس
اختي والله ماني عارفه ايش اقولك انتي لا تنظرين للناس بنفس النظره لأنهم يختلفون المعنى انه اذا فيه احد اخذتي منه موقف مو شرط الجميع ينطبق عليه نفس الشي فيه ناس وناس
لكن فيه واحد هو اللي مهما وثقتي فيه ماراح يخيب لك رجاء ان شاءالله وهو فوق العالمين سبحانه وتعالى
ولا تخلين الشك يصيطرعليك لأنه بيتمكن منك بعدين وخلي نيتك صافيه وتوكلي على الله
وطريقتك فعلا مريحه لأنها لا شعوريا الواحد يحس انه تغلب على المشكله وحاول انه يطلعها او يسربها بعيد عنه..
والحمد لله على كل حال وتوكلي على الله في كل شئ والله يزيل عنا وعنك وعن المسلمين اجمعين الهم والغم آمين ودمتي ...

ريم الخالدي
والله كلماتك حلـــوه تعبر عن كل وحده تدخل هذا القسم
لكن من يسمعنا غير الله سبحانه وتعالى
وقناعتك في الشكوى والكتمان الصراحه ما عليها كلام لكن وين نحصل اللي يسمعناويفهمنا!!
وتسلمين على مرورك الطيب...

كل ما تعيشين أكثر تشوفين أكثر
و آنا أشوف الناس تقول لي أسرار الناس و تنشرها
و منهم صديقاتي و خواتي و أمي و كل الناس
شلون أئتمنهم على أسراري
آنا عندي مبدأ
إذا عندي مشكلة محد يحلها غيري
الناس تحب تسمع لكن ما تحل و لا تربط آنا بإيدي أحل مشاكلي
يمكن لو أفضفض أرتاح لكن بعد الراحة يمكن يجي تعب زيادة
بس لو أكتم يمكن يضيق صدري بس بالي مرتاح ما أخاف إن أحد يبوح بأسراري
و مافي أحسن من عالم الأسرار و الخفايا ستار العيوب
يسمعنا في كل لحظه و قريب منا في كل وقت
لا يحتاج تلفون و لا سياره و لا حتى صوت عالي
يكفي إنك تناجيه بصدرك يسمعك و يريحك و يدلك على الحل و تضمني إنه ما يفضحك