ابغى رأيكم .. ضروري ؟؟

السلام عليكم ورحمه الله وبركاته

حبيباتي ياحلوين حواء

ابغى اخد رأيكم بشغله وبصراحه محتاره فيها

ملكه اخويا بعد اسبوع ان شاء الله ومحتارين في الطقم اللي راح نقدمه تعرفوا لازم ذهب والذهب دحين ومادراك ما الذهب اسعاره نااااااااااااااااااااااااااااااااااااااار فوق ماتتخيلوا

يعني طقم ب 3000 او 4000 مره مايجمل ولا تعطيه داك السعر وصغير ولا هو طقم حق ملكة

واللي عليها الكلام وفخمه تكون ب 9 الاف او 8 الاف
بصراحه يبغاله ميزانيه

لكن شفنا طقوووووومه روووعه فخمه بمعنى الكلمه كلها زي دقة الالماس والذهب
هيا فضه مطليه بالذهب .. عليها ضمان على اللون والفصوص واللي يشوفها مستحيل يقول دي ماهي ذهب ابدا
وعليها الختمه حقت الدهب ... بس صراحه مرره فخمه وروعه ولو عندي صورها كان نزلتها تشوفوها .. من جد خياااال

اشكال مره حلوه

المهم .. ادري طولت

فيها شي لو قدمنا طقم فضه مطلي بالذهب ولا لازم ذهب ؟؟؟
استنى أرائكم في اسرع وقت ؟؟

20 تعليق 3,004 مشاهدة

شاركي في النقاش

سجلي الدخول لإضافة تعليق.

التعليقات

20
  1. والله ياقلبي

    النتعارف عليه لازم ذهب

    وانا لو ماكن العروسه يجيبو لي طقم ذهب 3 او 4 الالف

    احسسن من انو يجيبون لي فضه مطلي بالذهب

    حتى لو اكشخ

    الذهب يبتل ذهب

    مبرووك زواج خيك يتهنى ان شاء الله
  2. @dlaa_alkmary

    صاحبة الموضوع
    الله يبارك فيكم وعقبال اولادكم يارب

    صح المتعارف ذهب ولازم ذهب ..

    بس قلت اشوف رأي الاخوات

    على فكره حتى الفضة ممكن تباع

    والله يعين يارب

    وجزاكم الله خير اخواتي غيرلان وجور على المرور
  3. @dorr_2

    حبيبتي اول حاجه الف مبروك

    وياقلبي لازم ذهب حتى لو رخيص وناعم والعالم كلها دحين عارفه انو الذهب غالي

    ممكن تاخدولها طقم ناعم ب 3000 او 4000 ومعاه الدبله ومثلا ساعه فخمه من جيس وجيس ساعاتهم ماتزيد عن 500 او 600
    بس فضه لا مرا عيب تخيلي البنت تفرح بالطقم واخرتها بتدري انو فضه صعبه

تابعي تجارب أخرى من هذا القسم.