هلا و مسهلة بالبنات
شوفو حبايبى .. أنا ملولة و أحب أغير و أجدد إللى حولى (مو البشر .. الجماد) و أكثر ما أحب أغير هو مفارش السرير ..بس إذا طاوعت نفسى ..راح أصفى على الحديدة !! شالعمل ؟؟ أنا أقول لكم..
ذاك اليوم كنت أتفقد سوق عندنا إسمه (المحاميد) و يا حلات المفارش ..لالا و يا رخصهم بعد .. بد شيت و مخدتين إب حوالى 3 دنانير ، فقمت أدور نقشة ناعمة ..والله و ألقى خوش نقشة ..بعدين شفت على كتر فلاّت سادة ويت على بالى فكرة ..ألا و هى إنى أشترى السادة و المنقشة و أخيطهم و أحط داخلهم الحشوة .. و مخدتين سادة هنى و مخدتين إبنقشة هناك و الزايد أسوى منه كوشية ..و شوية دانتيل (مقطوط بالكبت من زمان) لزوم الزينة ...الله الله ..و كلها جم أسبوع إستخدام و بعدين المصبغة و على طول للتبرعات ..و نعيد الكرة ... ها إشرايكم بس ؟؟؟
شاركي في النقاش
سجلي الدخول لإضافة تعليق.
التعليقات
5- بصراحه فكرتك مررررررررررررررررة حلوووووووووووووووة وسهله بعد..
الف شكر.. - فكره حلوه
وعندك اكياس المفارش هم رخيصه
واذا مالقيتي
ممكن تخيطين الشراشف على شكل كيس وادخلينهم داخل المفرش(الكفر) وتسوين معاهم الخدايات والمخدات :)
الفكره سهله وماتاخذ وقت
وموفقه عزيزتي
:26: - تسلمون كلكم يا حبيباتى على الردود الحلوة
- أحييج أختي على هل الفكره الحلوه أحب أزيد أن ممكن نستفيد من بعض المواقع اللي تعرض مفارش السراير في طريقة تركيب اللوان و موديلات الكوشنات مثل موقع مفارش رالف لوران .
- هلا حبيبتى...مشكورة على التشجيع ...كلامج عدل ..و بخامات بسيطة و غير مكلفة الوحدة تقدر تبدع ...بس أأأأخخ وين الأفكار ؟؟؟
مواضيع مشابهة
تابعي تجارب أخرى من هذا القسم.