(دورة )كوني سيدة نفسك و احترفي الماكياج( جميع الدروس في الصفحه الاولى )

بما ان ام الوليد بتتاخر برد عليكم حسب علمي...

اعتقد بان الموف هذه هو الشكل الجديد من الصبغة الا هي نفس حقت ام الوليد..
بس اذا حصلتي الشكل اللي في شرحها افضل واسلم لاني مش متاكدة...

بالنسبة للاكسجين..

هو عموما بيجي اربع درجات..

12 % هذا لسحب اللون نهائي من الشعر (لو شعرك اسود بتخليه اشقر مثلا)
9 % هذا يستعمل لصبغ الراس لاي لون
6 % لتشقير الجسم او للشعر التالف
3 % لتشقير الوجه الحساس والبشرة الحساسة عموما...

بالتالي استعمال التركيز 9 % جدا قوي على بشرة زي الوجه..
راح يسوي لك احمرار وحرقان في الوجه ساعتها الافضل تستعملي 6 %...

وكلامك يا رومنسيات على الشعر الاسود والاشقر فكرني براعي المحل..
رحت طلبت منه مرة اكسجين
قال لي اللي يفتح ولا يغمق.؟؟
انا اتسغربت
قلت له فيه اكسجين يغمق؟؟
راح وراني الكلام المكتوب..

المقصود يا اختي بهالكلام بان الشعر الاسود عشان يصبغ لاي لون فاتح تستعملي الصبغة 9 %
بينما الشعر الفاتح او الاشقر تكفي لها اكسجين بنسبة تركيز 6 %


والله يغطي عليكم :26:

يا أم الوليد الله يسعدك أنا أشتريت صبغة كولستون بنى متوسط لأني ما أبغى حواجبي تكون سوده أيش رأيك ؟؟





وكمان لقيت أشقر رمادي فاتح بس معاها أكسجين هل أستعملوا ؟؟
وكمان هل أحط الأشقر رمادي فاتح هذا فوق التشقير من غير أكسجين ولا أضيف عليه أكسجين زي البني ؟؟
بالله ردي عليه بسرعه عشان بكرة ناويه أسويه ولا أي وحده من البنات إللى تكون عملت طريقة أم الوليد :27:

يعني مافيه دروس لمدة اسبوعين صح؟؟؟