صراحه ما كنت ناويه بالبدايه اني انزل اغراضي من كثرها:hahaha: لكن الملل وعمايله،، لما بديت احس بالملل قررت اني اصور وانزل الاغراض ،، بس على فكره انا ماشريت ملابس للبيبي يعني الافرولات من ورا اخوه والاغراض الباقيه احتاجها بما اني عايشه ببريطانيا ،، فهالاغراض ضروريه عندنا ،،
نبدأ بسم الله ..

هذي لوازم البرد عندناااااا احححـــــــــي عاليمين جاكيت من ورا ولدي مقاس ٠-٣
وبعدين بطانيه ارسلتها لي حماتي من قطر انا طلبته منها لاني متعوده عليها اول فتره اشيل الطفل فيها،،
وعاليسار افرول دااافي مو كوت لا ،، جبته وقت ولدي ومقاسه ٠-٣ .. ينفع للنوم او للخروج كله يمشي ،، المهم الطفل يتدفأ ،،

هذي مجموعه المهادات مع اني احسها كثيره ،، انا شريت ٢ بس اللي هم عاليمين من محل فرنسي ،، البقيه حماتي (ام زوجي ) ارسلتهم ،،

هذي الملابس جابتها لي اخت زوجي من امريكا ،، بس في بعض المراييل انا جبتهم ،،
وراح اخذ منهم ان شالله عالمستشفى باذن الله..

هذول افرولين من ورى ولدي قماشهم مخمل ٠-٣
و٣ مناشف صغيره .. وعندي ٤ من المناشف اللي تنحط عالكتف علشان يتجشأ البيبي ،، جبتهم من تويز ار اص ..
وفي جزمتين من ورى ولدي مو واضحين هنا بحطهم بصوره ثانيه ..

هذي مجموعه مهادات سميكه يعني كانهم بطانيه لداخل البيت او الف البيبي فيهم فوق المهاد الخفيف .. وشرابات ،، وعندي من الملابس الداخليه ٦ قطع ..

هذي الافرولات من ورى ولدي من محل نيكست ولحد الحين كانهم جديدين ما شالله ،، بس الافرول اللي عاليمين جاني من امريكا مع القطع الباقيه بس نسيت اصوره معهم .. كلهم مقاس ٠-٣ ..

هذي بعض الخرابيط حطيتهم كلهم مع بعض الجواتي من ورا ولدي ،، بس السيت اللي فيه المشط والمقص وهالاشياء جبتها من تويز ار اص ..

هذا سرير البيبي يهز جاني هديه بولدي من تويز ار اص،، وعندي سرير ثاني كبير من مذركير بس مفكك وبالمخزن لما يكبر البيبي باركبه ان شالله ،، الصغير يكفي لعمر ٦ شهور تقريبا والكبير من البدايه لعمر ٧ سنوات ..
يتبـــــــــــــع،،








