مشكله ولدي مع الابتوب

حاولي تتقربين منه وتتكلمي معه بطريقة غير مباشرة
انك تقولين له ان الحواس يوم القيامة تشهد لصاحبها
وان انتي ودك تفتخرين فيه بسمعته الطيبة واخلاقه
بس ترى عمره صغييير على اللاب توب

عزيزتي أنا بقولج شيء يلسي مع ولدج و تكلمي معاه على أساس أن صديقتج ماره بنفس المشكله أنها شافت ولدها يطالع أفلام اباحيه وما تعرف كيف تصارحه و تكلمه فأنتي خذي رأيه في الموضوع و كيف ممكن يساعدج في الموضوع و فهميه أن الولد في عمره و عشان جذي أنتي تبين رأيه لآنه هو أدرى بالشاب في عمره فالطريقة هاي هو بيحس و بيعرف أنه مسوي شيء غلط و بتوصله الرساله من غير ما تحسسينه أن هو صاحب المشكله على فكره هالطريقه أنا سامعتنه من الدكتور محمد الخليفي ,,
الله يهديه و يصلحه ..

انا صار لي نفس المشكله مع ولدي وعمره 13 مع انه متدين مسجل في حلقات التحفيظ وكان يبحث عن طريق الجوال ولمل كشفته صارحته وتكلمت معه ليش سوا هالشي واعدني انه مايعيده بس صدقني في هالسن عادي انهم يسوون هالاشياء بس اهم انانراقبهم ونكسب ثقتهم ونصيحتي لك انك انتي تناقشيه وتبيننله ان ابوه مايعرف بالموضوع اذاكان يستحي من ابوه لان في هالسن اهم شي عندهم الخصوصيه هالكلام سمعته من لاستاذ الثويني وعن التجربه

خلي زوجك يحط برنامج يمنع المواقع الاباحيه

طبيعي يكون عنده حب استطلاع بس انتي لازم تزرعين فيه ان هذا ما يجوز و تاخذ اثم و ان هناك زنا السمع و البصر و الجوارح
و طبعا لازم و ضروري يكون استخدام اللابتوب ممنوع في غرف النوم فقط في الصاله و أمام مرئى الجميع و تحديد اوقاته

و طبعا ممكن تحطين برنامج بس الرقابه الذاتيه اهم لان مب دايما بيكون امامج ممكن حتى يدخل عند اصدقائة بس اذا اقتنع بحرمة هذا الشيء ووزره و ان يعلم أن الله يراه في كل مكان