امهات الخدج حياكم في الملف السابع

دبدوبه

عاد انا عكس مشكلتج يعني لمه ولدي بجه يرضع كانت المشكله الي ماخرجوه منها مو الرضاعه لانه الوزن ثبت
ومرات ينزل ولازاد وزنه الا بعد فتره طويله

اانا يقولج شي واحد ورددي وياي
قولي
الحمدللـــــــــــــــــــه
لمه تشوفين اليها الثانين تحمدين ربج الف مره في ناس يضلون عيالهم بالاشهر
ومشاكلهم كبيره حييييييييييييل مو رضعه ولا وزن ولا مص لا
انا كنت ادخل واطالع اليهال قلبي يعونري واحمد ربي الف مره وادعيلهم كلهم واقر عليييييييه بقلبي واثوبه لهم
صدقيني انتي مسالتج هينه انا حاسه فييج شكثر قلبج متشفق على بنتج ومشتاقتلها بحضنج
بس فكري انه كل تاخيره فيها خيره ان شاءالله

السلام عليكم حبايبي
اخباركم مع الكتاكيت الحلوين
يسعدني الانظمام لكم
انا بنتي جبتها في الاسبوع 33 وجلست في العنايه 40 يوم بضبط
راح اكثر عليكم الاسئله ياليت تجاوبيني وتعطوني خبراتكم

اولا ودي اعرف عمر بنتي انا جبتها في الشهر الثامن في الاسبوع 33 شهر ذي الحجه 11/12/1430هـ
كم عمرها الحين ؟؟؟؟؟؟؟؟؟؟؟؟؟؟؟؟
ثانيا بنتي احس حجمها ووجهها بذات حجمه صغير متى تتوقعون يكبر حجمهم ؟؟؟؟؟؟؟؟؟
وبنتي كانت تاخذ سيميلاك بس جاب لها غازات والحين تستخدم حليب بليميل بلس في احد استخدمه منكم ؟؟؟؟؟؟؟؟؟

وانا ارضعها طبيعي بس اسحب لها ماهي راضيه ترضع من صدري وقام الحليب ينشف الله يستر كيف اقدر اخليها ترضع من صدري قبل لا ينشف الحليب ؟؟؟؟؟؟؟؟؟؟؟؟؟؟؟؟؟

وبنتي اذا جت توسخ الله يكرمكم انواع الصياح وتصير حمره من كثر الصياح صرت متعقده اذا شفتها موسخه مدري ليش؟؟؟؟؟؟؟؟؟؟؟؟؟؟؟؟؟؟

انا بنتي ما اعطيها الا حليب فقط بعض الاوقات حليب وش اقدر اعطيها غير الحليب؟؟؟؟؟؟؟؟؟؟؟؟؟؟؟؟؟؟

ياليت يا حبايبي تردون على اسئلتي كلها ولا تطنشوني انتظر ردكم بفارغ الصبر