شاركي في النقاش

سجلي الدخول لإضافة تعليق.

التعليقات

1,629
  1. @dym_44

    الزهرة الذابلة
    السلام عليكم ورحمة الله بركاته جميييييييييييييييييييييعا ديم تكفين لا تطولين علينا جيبي اللي عندك تراه إذا طالت ملغت وحده متحمسه هههههههههههههه
    إنها آية عظيمة تلفت الأنظار كلما قرأها المؤمن، يقول تعالى: (وَإِنْ تَعُدُّوا نِعْمَةَ اللَّهِ لَا تُحْصُوهَا)، إننا نعيش هذه الكلمات في كل لحظة من حياتنا، فلو أراد أحدنا أن يحصي النعم التي تفضل الله بها على أي واحد منا لا يستطيع، سوف تعجز أعقد أجهزة السوبر كمبيوتر عن إحصاء هذه النعم، ولو أحبَّ أحدكم فليجرب.
    وهذه قصتي...............
    البارح الساعه 12ونص تقريبا كنت جالسه على النت وعيالي يدرسون
    وبنتي الله يحفظها ماختمت الانجليزي صعب مره
    وقلت لها انا اسهر معك لاتخافين وقعدنا نسولف شوي انا وزوجي وعيالي عن السفر وانا ننوي اخذ عمره .. شوي ولا طفى الكهرباء ولكم ان تتخيلو درجة الحراره 3 تحت الصفر .. وليدي الصغير يبكي رحت ابغى اجيب الكشاف وشغلته شوي وطفى مافيه شحن .طبعا انا من زمان ماأشغل دفاية الكاز ماأحبها انتظرنا شوي ذبحنا البرد نبغى ننام مانقدر من البرد .. رحت فوق بالمستودع وجبت دفاية كاز ومافيها الاشويت كاز . شغلتها شوي دفتنا وبناتي ووليدي الصغير يبغون ينامون حاولت انومهم ونامو.. زوجي جواله مافيه شحن وتنرفز يبغى يكلم شركة الكهرباء ويبغى يضبط الوقت على الصلاة الجوال طافي . اعطيته جوالي وقال ولدي يمه ابغاه علشان اذاكر واشوف الكتاب.. بنتي ماشاء الله عليها تحب القراءه وماتنام الا مشغله الكشاف اللي تضعه على رأسها وتقرأ علشان كذا شغلت الكشاف وقعدت تدرس .. الكاز خلص وراح زوجي الساعه 2 وجاب لنا شوي .
    زوجي نام عند البنات لانهن خايفات وانا نومت وليدي. والعيال الكبار راحو غرفتهم ونامو في عز البرد . وباقي بنتي الكبيره ماختمت وماقدرت انام واتركها جلست معها عند الدفايه وصارت الساعه3 . وكل شوي بنتي تقول يمه روحي نامي واقول لها مافيني نوم وانا نعسانه مره..صارت الساعه 4ونص قالت بنتي يمه ختمت تعالي ننام شوي . قلت الحمد لله اجل وش رايك تنامين عندي مكان ابوك قالت خلاص .. وحاولنا ننام مانمنا الا الساعه 5 حسيت اني غفيت شوي وقلبي احسه يبغى يطلع من البرد. الساعه5ونص اشتغل الكهرباء وصار التيلفزيون يقول وشششششش
    وانا اقوم مثل الهبلا وبنتي تركض وتطفيه وقلبها يدق يدق.. يمكن نمنا نص ساعه بين برد وخوف وشوي اذن الفجر الساعه 5و47دقيقه وقمنا وصلينا والماء باااااارد الصخان طافي علشان الكهرباء.. ورحمت بنتي راحت الاختبار وهي مواصله .. ولله الحمد جت هي واخوانها واختبارها ممتاااااز الساعه 9...
    والى هالحين ماقامت من النووووم ....
    واالله ياأخواتي ان نعم الله علينا لاتحصى ومنها نعمة الكهرباء ولانتذكرها الا قليلا..
    ونعمة النوم فما الذ النوم بعد الاعياء التعب..

    ذكرت لكن قصتي لأذكركن ونفسي بوجوب حمد الله على نعمه التي لاتحصى ..
    وأعتذر عن الاطاااااله..

  2. @dym_44

    ديـم
    إنها آية عظيمة تلفت الأنظار كلما قرأها المؤمن، يقول تعالى: (وَإِنْ تَعُدُّوا نِعْمَةَ اللَّهِ لَا تُحْصُوهَا)، إننا نعيش هذه الكلمات في كل لحظة من حياتنا، فلو أراد أحدنا أن يحصي النعم التي تفضل الله بها على أي واحد منا لا يستطيع، سوف تعجز …

    اهلين شروقه وزهوره الله لايوركن مثل ليلتي البارح احس عظامي متكسره من البرد ...

    ابشري شروقه راح ارسل لك دعوه وان شاء الله تكون بمناسبة خروج جميع الغالين..
    بس الله بشعيراتك اهتمي فيهن لاتفشلينا تنكش شوشتك ...

  3. @dym_44

    ديـم
    اهلين شروقه وزهوره الله لايوركن مثل ليلتي البارح احس عظامي متكسره من البرد ... ابشري شروقه راح ارسل لك دعوه وان شاء الله تكون بمناسبة خروج جميع الغالين.. بس الله بشعيراتك اهتمي فيهن لاتفشلينا تنكش شوشتك ...

    جمره ... يعطيك العافيه على البطاريق قصدقي فيلم البطاريق

    سبحان الله
    :44:

تابعي تجارب أخرى من هذا القسم.