شرين سمحيلي اختي غادي نهدر معاك كيف اذا كنتي اختي ونتمنى ما نتقل عليك بكلامي
باين اختي من كتابة ديالك انك هازة الهم قبل الوقت وبالك مشغول مع الحمل
اختي انتي باقي صغيرة تبارك الله وعروسة تمتعي بزواجك وما تخلي الفكرة تسيطر عليك
على الاقل حتى تكملي عام اذا كان اكبر استشاريين ديال العقم كيقولو بان الانجاب لا يعتبر متاخر عند الزوجين
حتى يتم على الاقل سنة كاملة من المعاشرة الزوجية
وباش نطمنك اكثر ويرتاح بالك اكثر فكري ديما في الي حالته و وضع ديالو اصعب لان كاين اخوت اكثر من 10 سنوات في انتظار الحمل
وانتي الحمد لله ما كنعتقد انك عندك مشكلة خاصة ان دورتك منتظمة تخافي فقط اذا دورتك غير منتظمة
واذا مستعجلة انتي وزوجك خلي تكملي 9 اشهر وقولي راجلك اول حاجة يدير تحليل ومن بعد عاد تفكري انتي تديري اشياء للمساعدة على الحمل
انتي تمتعي بزواجك راه احلى ايام هي بداية الزواج وبدلي في الشكل ديالك وصبغي شعرك وعيشي حياتك مع راجلك
والي سولك قولي باقي حال بغيت نتمتع شوي بحياتي
وبالنسبة لسؤالك كوني على يقين حتى واحد ما يقدر يقول لك بالضبط اشنو الي صرى ليك فقط لو كنتي درتي تحليل
الوقت الي حصل لك نزيف
لان اعراض الحمل هي اعراض الدورة نفس الشئ ياما حسيت بالدوخة وكثرة النعاس وخاطري مقلوبة وعندي رغبة في التقيئ
والاكثر من ذلك الرغبة في بعض انواع الاكل وكلها اسباب هرمونية
لان اي دورة شهرية للمراة تختلف من شهر لشهر وتختلف اعراضها على حسب نسبة تبويض عندها
ومعدلات هرمونات عندها
نعطيك مثال بعض الدورات تحسي صدرك ثقيل ويوجعك ومنفوخ وبعض الدورات ما تحسي بوالو صح او لا!!!
عرفتي علاش!!! لان حتى نوعية الاكل والنفسية كتلعب دور لان مرأة جسمها كل مجموعة من تفاعلات هرمونية
وبالنسبة للاستفسارك على الدوفستون راني سبق وشرحت ليك دكتورة عطاتو ليك باش يقوي بطانة الرحم
لانك اكيد قلتي لها نزلت منك قطع ونزيف كثير يعني بطانة الرحم عندك ضعيفة وفي نفس الوقت باش اذا حصل حمل
يساعد على الثثبيت ديالو
وبالنسبة للخلطات في وقت التبويض ما عندك ما ديري سوى الجماع بانتظام فقط ومراقبة افرازات تبويض ودرجة حرارة الجسم
لان خلطات مفعول ديالها لازم تكون من بداية الدورة
واي استفسار اختي احنا مجودين اعتبري نفسك بين اخواتك
ღ¤ஐﻬ تجارب وخبرات متبادلة بتاخر الحمل بالمغرب العربي ﻬஐ¤ღ (( الجزء الثاني))
متابعة النقاش، صفحة 252