صراحة الموقع يخبل.... تصدقون اني قاعدة اقراه من الساعة 5 العصر. صدق ما ينمل منه. ومجهود تستاهلون بوسة عليه. الله يعطيكم العافية. عاد لا تزهقون مني. تراني توني يديدة ويكمن امللكم بطلباتي. :39:
انا عندي كمن طلب. واسمحولي اذا بطول عليكم. بس تراني وايد متوهقة.
المهم(عشان ما تملون مني)..... أخوي بعرس قريب...وهذا اول عرس عندنا....واحنا ماشالله علينا ميح فهالسوالف.
قاعدين ندور على كوش ومحلات تسويلنا كوش باسعار زينة. عاد اختكم وين راحت؟ رحت عند بون بون اذا تعرفونه في شارع المطار بدبي...وماشالله على الاسعار...25000 وطالع...هذا بس الكوشة بدون اضائتها...عاد الي عندها عناوين محلات تسوي كوش حلوة ومميزة واسعارها معقولة في دبي اوالشارجة تدلني الله لا يهينكم.
سمعت عن واحد مواطن اسمه عمر يمدحون تصميم كوشاته...حد جربه؟ او عنده فكرة عنه وعن اسعاره؟ سمعت انه غالي؟ مدري شو رايكم؟
خلصنا من اول طلب....عاد مب تطنشون طلباتي...تراني رايحة فيها من اللف والدوران. :06:
ثاني شي...قريت في الملف عن واحد يسوي زفات خاصة باسعار معقولة؟ ممكن ترسللولي العنوان وتعطوني فكرة عن اسعاره؟ واذا حد عنده اي نموذج او افكار لزفات ممكن يطرشها لي...تراني ماعرف وايد فهالسوالف.
ماراح اطول بطلباتي اكثر من جي...خلوني اكون خفيفة عليكم..بما انها اول مشاركة لي..وانا متأكدة اني بلقى حلول معاكم.
مشكورين ما قصرتو على هالملف اللي اكثر من روعة....ولا تنسونا عاد...كثروا من ردودكم...
اختكم:icon35:
دودي
ملف اماراتي (فقط...لمساعدة بنات الامارات)
متابعة النقاش، صفحة 126