جاني واحد و قال : بسأل كم سؤال ،،
وقبل يسأل قلت : أنا ماني خبير !
قال: جاوب بس يا ولد الحلال
وكل كلمه حِطَّهَا .. فـ بيتٍ صغير
قال نبدي : شنهو تعريف المُحال..؟
قلت :
خَل هالكلمهـ
فـ البيت الأخيـر ..!
القهــر : إن شفت دمعـات الرجال..
والوطن : ( إنسان ) .. مِتغيِّر كثير,,
والطفل : لعبه على شاطـي الرمال..
والأمل : إحساس في عين الضرير,,
الوفا : [ قلبين ] .. يجمَعهُم حلال..
والرَجُل : اللـي علـى أهلـه يغير,,
والرجا : لا قلـت للواطـي تعال..
والفشل : مدري .. ولكنـه مرير,,
والشعر : في وقتنا .. بدر وطلال..
زين وأوَّل : حيـل يعجبنـي جرير ..!
والغلا : إحساس إلى حَـد الخيال,,
والعِشِق : لا شفت مَعشُوقِك تطير..
والجفا : إعكس مفاهيم / الوصال,,
والوَصِل : يعنـي تأكَّـد فيك خير..
والعقل :تـسفَه أقاويـل الجهال,,
والجهل : إن قلت عن نفسك كبير..
والخطر : لا صار ما عندك مجال,,
والبلا : إن صرت معدوم الضمير..
والعجب : لا صرت تسأل منهو قال,,
والتعب : إن كنت تبحَث عن مصير..
الغنى : بالنفس ما هو راس مال,,
والفقر : من كان .. بأعماله فقير..
يكفي يكفي .. أسئله إنهي الجدال,,
ويالله علمني عَن .. السِّر الخطير..
ما أبي تضرب لي في غيرك مثال,,
قول : عنِّك وإعتبر سِرِّك في بير..
جات طعنـه مِن جنوبك والشمال,,
يعني وضعِك بين مِن حُولك خطير..
صاحبـي وإن ضاقت بعينك ليال,,
لك فرشت القلب مفروش الحرير..
في [ بلاد الحلم ].. ممنوع العقال,,
والمصيبه الشعب ما أختار الأمير..
وما ألومك .. كان شدِّيت الرحال..
دام بيتك جرح / وفراشك حصير,,
و هذا تعريفي إلى كلمة : مُحَال..
شي ودِّك فيه ولا يمكن يصير ..!
مما راق لأحاسيسي
..
شاركي في النقاش
سجلي الدخول لإضافة تعليق.
التعليقات
7- والعِشِق : لا شفت مَعشُوقِك تطير..
::
يسعدني أن اكون أول الــردود،،
ذgggق يالغـــاليه واللهـ لا يحرمنا منك،،
بــجد رووعه..
دمتـــي لمن تحبين - رووووووعه بصراحه
تسلمين ياذوووووق - رغم الألم بنعيش دنيان بفرح ...
جوري يالغلا القصيده حملت بحروفها الم وتعريفات شامله رائعه لكن كوني وانا معك ...

---
نبي نضحگ نبي نفرح نبيها هبال وفلة
يگفينا گآبة وهم ترى حنآ بع‘دنآ صغآر
..
نبي نغني نبي نسعد نبي نطير ونبعد
ونگون من الحزن أبعد .. من أبعد شي ف الدنيآ
..
نبي نوسع الخآطر ونعيش ب يومنآ بسمة
لأجل تتحقق الآمآل لأجل نفآرق ه الحزن اللي طآل . .{ المشاركة المقتبسة غير متاحة.
الله يسلمك من كل شر
نورتي ياقلبي
..
مواضيع مشابهة
تابعي تجارب أخرى من هذا القسم.
