أنا سويت عندهم أطفال أنابيب ولعبوا في جسمي وهرموناتي
ابي افهم كيف يعطوني منشطات بدون مايسوون لي تحليل دم واحد
طيب افرض معي تكيس وهذ اللي صار لي كان معي تكيس مايدرون عنه
وكثرة الابر بدون متابعة سببت لي فرط استجابة وخربوا كورس العملية
ونصبوا علينا وكل واحد منهم قام يلهف من جهة ..
ولما رجعوا لي 3 أجنة سالت الشهراني كم درجتها قال لي من الدرجة الاولى والثانية
ولما فشلت العملية واخذت منهم تقرير عشان اروح للتخصصي اكتشفت ان الاجنة
من الدرجة الرابعة والخامسة !!
موب حرام عليهم ياملوني ويكذبون علي بهالطريقة ..
ووحدة شفتها بالتخصصي مسكينة سوتها عند ذرية وسوو عملية فتح خصية لزوجها
لان ماعنده حيوانات منوية ولما خلص من العملية جوا وقالوا بنعيدها ثاني
والسبب ... ان الممرضة كبت العينة بالغلط !!!!!!
يعني مادري وش اكثر من كذا تسيب واهمال وفشل .
حرام عليهم عملية فتح الخصية ابد ماهي سهلة ومؤلمة ولها مضاعفات وهم يلعبون
بنفسياتنا !!
الحمدلله على كل حال والله يجعل مامرينا فيه تكفير لذنوبنا
واذا تبين تعالجين انا اقول لك بعد بحث مضني واستخارة ومقابلة
الدكاترة مافيه افضل من اثنين ..
مستشفى التخصصي الحكومي ولو ماحصل لك شوفي سعد الحسن بالحمادي
هو رئيس وحدة الاخصاب في التخصصي
انسان خلوق ويخاف ربه ووالله ان اخر همه الفلوس لدرجة اجيه بالعيادة
ويقول لا لا تجيني هنا تعالي لي بالتخصصي !!!!
الله يرزقنا جميعا ولا يحرمنا ولا يجعل لهالدكاترة اللي مايخافون الله سلطة علينا
ولا يحوجنا لهم يارب
اللي تتعالج بمركز الذريه تجي هنااااا تفيدناااااا ونفيدها../قديم
متابعة النقاش، صفحة 7