تسلم يمناج عالموضوع الحلو .. مم بالنسبة لي ما اهتم وايد ان مكياجي يكون من ماركات عالمية معروفة اي شي تطيح عليه عيني و يعجبني اخذه حتى لو بو ريالين .. الغلوسات استخدم انواع مختلفة و اغلب اللي عندي الوردي بدرجاته و الاورانج وعندي بني على بيج احبه .. الشفايف اتحكم فدرجات الالوان او الالوان نفسها عن طريق دمجها بالروج و المحدد و عندي روجين اساسين ما استغني عنهم الاول بيج و الثاني وردي على لحمي مطفي .. البلشرات نفس الشي استخدم اي ماركة المهم تكون حلوة و تدخل مزاجي .. و احلى بلش استخدمته بلش من red earth لونه وردي على مشمشي و بلمعة ذهبية .. عندي بلشرات من مكياجي و بلشرات من just gold و صديقتي تستخدم شدوهات من عندهم الوانها روووعة و ثابتة ما تتغير و برجوا الوانهم روعة بعد و ما تتغير و عندهم تدرجات الوردي اللي كل ثلاثة بعلبة طبيعي مرة و مناسب لاوقات كثيرة.. الماسكرا استخدمت انواع متعددة من الماركات العالمية و الماركات العادية .. الكحل استخدمت وايد من ريميل و ماكس فكتور و فلوريل و اكثر شي عجبني SEVENTEEN الاسود و الالوان .. ممم فيه اشياء ثاانية يمكن اكون ناسيتها بس اتذكرها برجع اذكرها .. و اسمحي لي بحط صور متنوعة لاشياء استخدمتها .. *_ ^
استخدمت هالماسكرا من نيفيا و اعجبتني وايد و حتى بنت اختي عينها صغيرة شوي ليمن احط لها منها احسها تكثف رموشها و تطولهم و تعطي اتساع للعين ..
استخدمت الشدو بالتدرج الطبيعي وردي فاتح على لحمي لونه وايد حلو ..
مقوي الاظافر وايد زين و لمعته حلوة ..
فونديشن سائل تغطيته حلوة و احس يعطي لمسة مخملية للبشرة خصوصا لو كانت من النوع الصافي ومافيها عيوب كثيرة ..
استخدم المناديل لتنظيف الويه و الميلك للتنظيف و الترطيب و غالبا ما انظف ويهي فيه قبل المكياج ..
:27:
كحل اسود و ملون الوانه روعة و ثابتة و استخدمها ككحل و محدد شفايف و احطها على العين قبل الشدو يصير روعة و ثابت عندي منها الوان وايد ..
جربت منهم لونين هالغلوسات و اعجبوني وايد بني و و وردي ..
:27:
هذا بلش رد ايرث و اللي استخدمه اعتقد لونه PK031 ..
هذا الشدو من رد ايرث استخدمت الاورانج وواحد لونه بيج فيه قلتر روووعة ..
هذا الغلووس من رد ايرث استخدمت الاورانج وواحد لونه شفاف فيه قلتر ذهبي تحطينه على اي لون يطلع خبال ..
تعبت من الكتابة .. لووول .. كاني اكتب موضوع منفصل مب ارد على موضوعج .. السموحة منكم لو ثقلت عليكم .. :( .. عندي بعد باقي كم صورة اقصد وايد :D .. بس مضطرة امشي لو ما تمللتوا برجع احط لكم الباقي ..
دمتم بود ..
