بسم الله الرحمن الرحيم ..
كيفكم حوائيات ..
الكتاب باين من عنوانه .. والموضوع باين من عنوانه
طبعا الموضوع رافع ضغطي من لما عرفت عالم حواء , ولا تقولون متى عرفتي المنتدى
المهم
فيه بعض الاخوات الله يجزاهم خير تنزل صور لبس لها او بيتها او أي شي تبي راي البنات فيها ..
ومثلا جات وحده قالت مو حلو
تشن الحرب عليها .. طيب انتي نزلتي فستانك وما اعجبني ليش اقول حلو واضحك عليك
طيب فيه شي اسمه ( لولا اختلاف الاذواق لبارت السلع في الاسواق ) انتي اعجبتس بس انا لا ما اعجبني
لا واللي يرفع الضغط اذا قلتي لها ما اعجبني ترد عليك وتقول عشانك غيرانه !!
خلاص اذا ماتبغين احد يقولك مو حلو لا تنزلينه
يعني يانقول حلو يا ذابحتكن الغيره مني .. عجبي !!!!
يعني اللي تبي تنزل فستانها وتقول ايش رايكم فيه لازم تعرف انو فيه مجموعه راح تقول يجنن ومجموعه حلو ومجموعه عادي ومجموعه ماهو حلو
لاحد يزعل لان ماحد ضربك تنزلين فستانتس
لا واللي يمرض اللي تكتب اللي اللي عندها رد مو زين تتركه لنفسها
انتي تبين راينا تحملي
والان نروح للي مو معجبهم الفستان
ماتجي تقول وععععععععع ومدري ايش لا فيه اسلوب للرد
ابسط شي قولي معليش ياعمري ما اعجبني وما خش مزاجي بس اذا معجبتس البسيه
لكن تقولين وععععع ولو بريال ما اشتريته ومدري ايش
اتمنى فهمتوا قصدي
النقاط المهمه في الموضوع :
1- اللي تنزل موضوع تبي راي البنات بفستانها او حاجتها لازعل اذا اعد قال لها سوري مو حلو لان الاذواق تختلف
2- اللي مو معجبها فستان البنت او حاجتها تقول لها انو الفستان مو حلو بأسلوب
3- اللي تنزل موضوع تبي رأي البنات بفستانها او حاجتها اذا قالوا لها مو حلو لا تقول تقولون مو حلو عشان غيرانين مني
4- اللي بتنزل موضوع وبتزعل اذا احد قال مو حلو لا تنزل
والسلام عليكم ورحمة الله وبركاته .................
انتظر ردودكم
الموضوع مغلق