شاركي في النقاش

سجلي الدخول لإضافة تعليق.

التعليقات

14
  1. @nbd_alaarb

    صاحبة الموضوع
    يبارك فيك وتسلمين
    ياعيني يالبنات ماقصرتوا وكمان بسألكم وين محلات اللي تبيع السفر الفخمه وأطقم الكاسات الكريستال الفخمه
  2. @kaydthm2007

    صراحة من جدة

    عندك عزيز مول ومجمع العرب والحجاز والنجار رد سي مول ساوث مول << الملابس

    واذا تبغي تجهيزات ثانية مثل الفرش واسجادات وشراشف الصلاة واي شي يخص زينات الدبش والاكسسوارات روحي البلد مررة اشياء حلووة وسعرها معقول

    حتى المكياج في مركز نور الرئيسي في البلد ومررة رخيص وفي ماركات مثل ماكس فاكتور وبرجوا ونيفيا وعطورات وكريمات للبشرة والجسم وحمامات الزيت والمقشرات والاجهزة اللي تخص التنظيف البخار وفرش الاستشوار مررة في كثير اشياء تخص العروس وبسعر معقول وارخص من المولات

    واتمنى يكون افدتك زادعيلي الله يتمم لي حملي على خير
  3. المولات مثل ماقالو البنات واحب اضيف رد سي مول على طريق الملك عبد العزيز باتجاه دوار الكرة الارضيه

    وستارز افينيو تقاطع شارع صاري مع طريق الملك عبدالعزيز هذي من احدث واحلى المولات بالذات ستارز افينيو فيه محلات جديده مو موجوده بمولات ثانية

    والمكياج روحي البلد مركز الكورنيش بس العطور ما انصحك احسها اي كلام روحي باريس غالري احسن وكمان ماك في سوق حراء مرة حلو احلى ضلال تلاقي عندهم ثابته ومايحتاج تفركي الضل الين يطلع لك اللون من اول مسحه يحط لك

    وبالنسبة للمفرش حق السرير نصيييييييحة روحي اورانج عندهم شغلات حلوووووووه وفخمة مره انا مفرش سريري من هناك حق الزواج والولاده مرة اشيائهم روعة واسعارهم معقولة وعندهم اطقم حمامات الله يكرمك وتلاقيه في مجمع العرب
    وبالنسبة لفستان الفرح اذا حابة شي ذوق وكلاس واوروبي روحي ديمتريوس في جده مول في شارع التحلية والمركز فيه محلات فساتين كثير بس هذا افضلها .. بصراحة اليمامة شعبي وما انصحك فيه ..
    واذا حابة انا فستان فرحي من دمتريوس لمتد ادشن جاي من ايطاليا مرررررررررة راااايق ونعوم وفخم داخل فيه اللون الفيروزي في تطريز وكرستالات شوارافيسكي ضيق اللين تحت الخصر بشوي بعدين ينفش تدريجيا زي كذا





    والطرحه طبقتين منفوشه وعلى اطرافها تطريز وكريستالات زي اللي في الفستان
    والله كل اللي حضرو فرحي انهبلو عليه ووالله ماقصدي امدح نفسي بس والله كنت حديث الموسم وكذا وحده بعد الفرح كلمتني عليه عشان تشتريه بس بصراحة كنت حابه احتفض فيه لأنه احلى ذكرى ماشاء الله تبارك الله
    بس الحين مضطره اصرفه لاني مسافره ادرس بره ماشاء الله وهذي اول مره والله اعلن عنه



    وبالنسبة لقمصان النوم والبجايم
    في دبنهامز مرة اشيائه حلوه وفخمة وراقية واسعارهم معتدله

    وفي ايتام مررررره حلو لاتفوتيه وكلها في شارع التحلية

    ومحلات بجايم كوووول محل اويشو في مجمع العرب شخصيات دزني وشغلات مره كتكوته وتلاقي عنده قمصان وسلبرات وهذا موقعه
    http://www.oysho.com/es/

    ومحل وومن سكريت مررررررره حلو اشيائه مره كول وغريبه وبعضها برضه يكون عليها شخصيات حلوه اذا انك من النوع اللي يحب هالاشياء
    وتلاقي عندهم الاندر وير طقم مع القميص والروب والسلبر او البجامه وهذا موقعه
    http://womensecret.com/index.asp

    وطبعا لاسنزا ولافي ان روز ونعومي لقميص اول ليلة

    وبالنسبة للمسكه اذا تبغي شي راقي وذوق روحي محل ليلة زفافي في مركز اللؤلؤه على شارع الامير سلطان من ارقى المحلات عندنا بجده




    والله يوفقك ويتمم على خير ويصير دبشك احلى دبش وطلتك يوم فرحك احلى طلة

تابعي تجارب أخرى من هذا القسم.