كنت احس اني رح اموت وانا ما تزوجت .. والحمدلله اللحين أم

14 فبراير 2010

قد يحتوي هذا الموضوع على محتوى غير مناسب. عرض الموضوع

مرحبــا يا صبايا يا حلوين ..:27:

تأخرت كثير بموضوعي لكن الحمدلله ان الله قدرني وكتبته لكم ..:39:

بدايه اسالكم بالله العظيم تذكرون الله وتقولون ما شاء الله .. وتدعون لي بتعجيل الولاده:04: وتسهيلها ..(( سالتكم بالله ترى ))

اللي اصغر مني تزوجوا وانا لا .. وصاروا امهات :44: وكنت ولهانه وشفقانه اتزوج ويكون لي زوج وبيت وعيال.. لكن نصيبي تأخر .. واطالعهم انا احلى منهم واجمل واكشخ وحتى الوظيفه موظفه وراتبي عالي ومع ذلك نصيبي ما جاء :44:..يعني الراتب لا يقدم ولا ياخر اذا ربي ما كتب لك الزواج ..

وصلت لمرحله اني خلااااااص يأست وقلت اكيد انا بحياتي كلها مارح اتزوج وشكلي بموت وانا آنســـــه ..والمشكله الاكبر ان كل الناس يقولون لي يابخت الللي بياخذك ويا حظه ويا هناه ..طيب وينـــــــــــه ؟؟؟.. مليت .. تحطمت ..خصوصا بعد ما سألتني وحده انت حلوه ليش ما تزوجتي للحين ؟؟ آآآآآآآآآآآآآآآآآآآآه بس ..كان يتقدم لي عرسان بس ما يصلحون وابوي يرفضون وانا لاني متضايقه وابي اتزوج كنت اقول ليش يرفضهم يمكن هالعريس يصلح ؟؟ وليش ابوي ما يعجبه احد ؟؟ عاجبته قعدتي عنده ؟؟ ومن هالكلام .. وهو طبعا ما ينلام اب ويدور على مصلحة بنته ..

وتمشي الايام وعطله وراء الثاني وانا على حالي ونفس اليأس ..

اللين ما قررت اغير من حالي .. وهنا يبدء الحل ..

قررت اول شئ اني اتفاءل .. واظن بالله ظن حسن .. والله ثم والله يا بنات كنت اقول لنفسي ان الله يبي لي الشئ الزين واكيد ربي ما اخر نصيبي الا خيره والا للحكمه لا يعلمها الا هو .. احسني الظن بالله ودايم رددي ان الله بيرزقني بالشاب الصالح اللي يسعدني ويهنيني .. ولا تخلين الشيطان يقول لك غير كذا .. هذي الفكره لازم تؤمنين بها 100% وهي الاساس .. الظن الحسن بالله

بعدها اكثرت من الاستغفار بشكل مو طبيعي .. جبت لي مسبحه ( سبحه ) ام 1000 خرزه وكنت استغفر فيها ..واقول الف مره ربي اني لما انزلت الي فقير ..

ووقت السجود بكل صلاة اصليها كنت اقول ربي اني لما انزلت الي من خير فقير .. وكنت اشرب مويه زمزم بنيه ان الله ييسر لي الزواج واكثرت من الصدقه برضوه بنيه ان الله ييسر لي الزواج.. ويوميا سوره البقره ما انساها .. وكان وقتها رمضان كثفت الدعاء فيه .. وهذي النقطه مهمه يا بنات انك تتدعين من كل قلبك وانت واثقه من اجابه المظطر اذا دعاه ..

والله يا بنات ما كملت شهرين الا وانا مخطوبه ..

عقبالكم إن شاء الله .. الله يرزقكم بالازواج الصالحين الطيبين يارب ..

وانا ما كتبت هالموضوع علشان اسوي بدعه او اقولكم اعملوا طريقتي بالضبط لااااا انا اقولكم علشان تعرفون ان الله قريب من العبد اذا كان العبد قريب منه ..

اللي حابه تنقل موضوعي تنقله وتنشره ..

ودعواتكم لي ان الله يسهل علي ولادتي ويعجل لي بالفرج .. عقبالكم يارب ..:04:

كنت احس اني رح اموت وانا ما تزوجت .. والحمدلله اللحين أم

التعليقات

كانت تقول ابي مساعدة وبعدها بفترة ماتت ولا احد درى عن طيحتها

العضوة "قلب الياسمين" احد يعرف شخبارها كانت مريضة

ثم يغير الله كل شي كنتِ تضنينه إنتهى 🦋

أكثر شي كنت أظن اني فاهمته بالحياه وطلع عكسه ..

لو كنتِ HR أو مسؤولة توظيف⚪️✅