Ϡॣ₡ ־ˉ ־¯−ـ‗_ تجـمع للحوامل الرابطات (ربط عنق الرحم) الـثـامـن _‗ـ−¯־ ˉ־ Ϡॣ₡

ياحياتي انتي
وربي تقطع قلبي الله يجعلهم شفعاء
طيب ليش حاطينهم بجنبك
حسررررررررره
وكيف طلعو احياء
المستشفى حقي قال ما نقدر نولدك الا اذا مات البيبي وجلسوا ينتظرو لين مات وطلعوه مو كذا حرام

وطيب وش هالمستشفى حقكم ؟؟
متطور ولا لا ؟؟
مره حسره الله يعين
طيب الي وزنه 600 كان فيه امل يعيش

هلا صموته
المشكله ما كانت في الجنين كانت فيني رحمي ما يتحمل عشان كذا هم سليمين ولله الحمد وبعدين الرحم يفتح خلاص تجيني ولاده مبكره حتى ثالث واحد كان الراس طالع بس جسمه داخل والنبض فيه وأقول حق الدكتوره سويلي طلق صناعي
قالت لا حرام ما نطلعه إلى أن يطلع بنفسه
لأن النبض فيه وإذا طلعناه بالغصب يكون كأنا قتلنا نفس . كنت أعالج في مستشفى حكومي وما عندهم إهتمام بس بعدين عالجت بمستشفى خاص في الإمارات ومستشفى معروف ومتطورولكن المشكله ما عندهم حاضنات وعدوني أول ما تصير الولاده بينقلوني لمستشفى آخر فيه حاضنات للجنين بس لما صار وقت الجد قالوا ماكان فيه حاضنه فاضيه وجا دكتور الأطفال وجلس يقنع زوجي إن طفل وزنه 600 جرام صعب يعيش وإذا عاش ما راح يكون مكتمل عقله أحسه تبرير موقف تصدقين
كلفنا العلاج في هذا المستشفى فوق 30 ألف ريال سعودي .

السلام عليكم حبيباتي الرابطات الله يهون عليكم

حبيت أنضم لكم ولو اني متأخره جدااااا ...
سالفتي سالفه طويله ...
انا ياطويلات العمر بإذن الله تعالى حامل بالاسبوع 27 الله يتمه علي وعليكم
عندي ولدين وبنت ولله الحمد

في حملي الاول كانت ولادة مبكرة على الاسبوع 31 وجبت ولد ودخل الحاضنه كان وزنه كيلو ونص لكن شاء الله انه يصاب بالسحايا بس ربي قدر ولطف وعاش ولدي بس صابته اعاقه

وحملي الثاني ايضا ولادة مبكرة قيصرية على الاسبوع 26 وجبت بنت
وعاشت ولله الحمد
دخلت بنتي العناية المركزه لمدة 3 شهور
وكان وزنها 900 غرام بس صابتها اعاقة حركية

وحملي الثالث سويت ربط على الاسبوع 13 وتم حملي بسلام لله الحمد وجبت ولد


وهذا حملي الرابع سالفة بروحه ...
كنت حامل فيه بتوأم لكن شاء ربي تعالى انه احدهم يكون خارج الرحم
وصابني نزيف من الشهر الاول وما اكتشفوه الا بالشهر الثاني
وبسرعه دخلوني العمليات واستأصلوا الجنين مع القناة اليسرى لأنها كانت ممزقه
وبقيت في المستشفى اسبوع علشان يتطمنون على الجنين الثاني
وسويت ربط على الاسبوع 14 مع ابر تثبيت اسبوعيا وابر الهيبارين يوميا
وبيبي اسبرين وكالسيوم وحديد وفوليك
وشهريا اسوي مسحة لعنق الرحم مع تحليل البول وانتوا بكرامه
وادعي ربي يتمه على خير...


ياليت تضموني لتجمعكم وهذي بياناتي ....

اسم العضوه : سارية
موعد الولادة : 17-5-2010
تاريخ الولادة : ..........
جنس البيبي : .....
الدولة : الكويت
المستشفى : مستشفى الصباح
الدكتورة : الاستشارية .. إيمان الشمالي

وترى عندي خبره بكل شي للي حابه تسأل ...
مثل :
بنج عام و بنج نصفي
ولادة مبكرة .. وولادة تامه
ولادة طبيعية و ولادة قيصرية
حمل خارج الرحم


لؤلؤة البر .... الله يعوض عليج بخير واحتسبي ما أصابك عند الله تعالى واصبري
انه لا يضيع أجر الصابرين ...

يا هلا فيك..
على حساب الدورة يوم الأحد أدخل 36
وأنا أفضل 37 أسبوع.. يعني بعد أسبوع.. وحددت يوم الأربعاء علشان لو صارت ولادة على طول يكون زوجي جنبي بحكم إن الخميس والجمعة إجازة.. والله يكتب اللي فيه الخير..

لالا..ما أتوقع مع بعض..
الكل يقول هذه الآلام ممكن تصير قبل الولادة بشهر.. يعني ما تحدد قرب الولادة..
لو عيون عوشرت وأنا على طول ولدت بعد فك الربط فعلا بنكون مع بعض:39:
الله يسهل لعيون ولجميع الحوامل..