أختي خلت قلبي يدمع قبل عيني

السلام عليكم ورحمة الله يا أخواتي في عالم حواء الحبيب

ابي احكي لكم عن أختي الي عجزت منها صراحه وتعبت من تصرفاتها مع أني والله الشاهد اتمنى لها الخير ولا احد يدري بالي يدور في النفس والخاطر غير ربي دموعي طلعت بس احاول اصدها ما ابي اصير ضعيفه عند احد الله ياربي ياحبيبي اه اه مالي غيرك كل يوم يزداد حبي لك واعرف ان ماي غيرك وان طيبتي بتضيعني وتخلي كل الي في العالم يستغلوني .....

ما ابي اطول السالفه احنا عائله على قد الحال وابوي ذابحته الديون ونفسيته تعبانه منها وما فيه اطيب منه في هالحياه يحاول انه يسترنا ويصرف علينا ويساعدنا على حسب استطاعته وانا طالبه كليه استلم مكافئه واختي الي خلتني اكتب الموضوع بعد تستلم مكافئه بس ماتساعد احد ولا تعطي احد انا ما امدح نفسي بس تعبت من انانيتها القويه ماترحم احد حتى امي المسكينه تنفخ عليها وماتراعي احد انا في حياتي وفي بيتنا مافيه ولا احد اناني زيها تحب نفسها بشكل غير طبيعي تعبت تعبت
واليوم ابوي تعبان وحرارته مرتفعه والله يكرمكم يستفرغ وتقول الهانم مالي دخل الكليه الاسبوع الجاي خليه يعطيني فلوس اشتري ملابس طيب انتي عارفه البير وغطاه ليش تعسرين ابوي ليه خواتي الي اصغر مك ماتكلموا ليه بس انتي غير الناس والمشكله يابنات ان معها فلوس بس كذا ويم امي قامت تسألها انتي معك؟؟
قالت لاء وقامت تافخ تحسب امي بتاخذ منها حسيت العبره في امي تبي تبكي قامت وعصبت علي وقالت جعلك بالسرطان
تخيلوا يابنات

قولو لي كيف اتصرف معها حسبي الله ونعم الوكيل

47 تعليق 4,304 مشاهدة

شاركي في النقاش

سجلي الدخول لإضافة تعليق.

التعليقات

46
  1. @am_aadnan_6

    ياساتر وش سالفة الاخوات اليوم ياكثر مشاكلهم
    الله يهديها تصرفها غريب ليش تعاملكم كذا
    عموما لاتطلبوا منها شي الله كريم
    والله يقوم ابوكم بالسلامه يارب
  2. @msrkaa_hanm


    شكلها من الصديقات
    يعني صديقاتها هاي وتبغى تكون مثلهم وتغاار منهم
    كم عمرها ؟
    ومن اللي قالت : جعلك السرطان ولمين ؟<< هذي النقطه للحين ما فهمتها
    وابوك يقدر يقول : لاااااااااااااااااا
    اللي مثلها ما ينفع معها الا : لااا وبس
    وخليها اذا بغت تعصب هي معصبه معصبه كذا والا كذا
    &&&
  3. @aazty_mn_smo_thaty

    لاحول ولاقوة الابالله الله يهديه


    دعوتكم لي
    اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
  4. @am_samy_9

    صاحبة الموضوع
    مصرقعة هانم
    شكلها من الصديقات يعني صديقاتها هاي وتبغى تكون مثلهم وتغاار منهم كم عمرها ؟ ومن اللي قالت : جعلك السرطان ولمين ؟<< هذي النقطه للحين ما فهمتها وابوك يقدر يقول : لاااااااااااااااااا اللي مثلها ما ينفع معها الا : لااا وبس وخليها اذا بغت …
    عمرها 21 سنه
    وقالت جعلك بالسرطان لي انا اختها

تابعي تجارب أخرى من هذا القسم.