ارهــــاب العملية القيصريـــة في عالم حواء وغبـــاء المجتمــع< اكتفى من الردود

و الله اني عندي صديقتي و لدت قيصري و راها ب3 ايام طلعت من المستشفى و عادي باسبوعين تقريبا صارت تسوق و تروح الى اهلها و اهلها ساكنين مسافه بعيده و الله حتى انا من شفتها قالت و ايد اسهل و الحين و لدت مره ثانيه و عمر بنتها الاولى سنه و نص و رجعت حملت

كل جسم يختلف عن الثاني بعض الاجسام تتحمل وقويه تتشافى بسرعه وبعضها لاحول ولا قوه حتى الجلطات والنزيف والالتهابات بعض الاجسام معرضه لها اكثر من غيرها

انا شفت بعيوني كل وحده تفرق عن الثانيه

حماتي سوت عمليه بعدي باسبوع ماتقدر تتحرك وانفتحت عمليتها وهي بغرفة الملاحظه وشهرين وهي تعالج مكان العمليه التهاب وصديد ..

بعمليتي الثانيه مقابلتني وحده مسوية العمليه بعدي بساعه وربع كانت حالتها حاله ماتقدر تقوم الا بمساعده حتى انها تبرزت على السرير واانتو بكرامه ..

وماشاء الله تبارك الرحمن وصلوا على النبي

انا مسويه العمليه قبلها طلعت من غرفة العمليات ودخلوها هي قمت من السرير بدون مساعده وتمشيت بالاسياب حتى اني بعد مابدلت رحت اسال عن صاحباتي بجناح الترقيد وغرف قبل الولاده ... مع ان عمليتي الاولى كانت متعبه شوي ومااقوم الا بمساعده وامشي وظهري محني من الالم وبالثانيه ماشاء الله فرق حتى اسال الممرضات انتو حاطين لي مخدر للالم !!؟؟

يعتمد على شطارة الدكتوره اللي سوتني الاولى فلبينيه والثانيه هنديه كانت اشطر


ولو يرجع فيني الزمن لورا قبل ولادتي بولدي مابختار الا الطبيعي هذا شي تحسفت عليه لان لو حملت بسرعه مابخاف ولا بوسوس على العمليه .. صار عندي رعب من ابرة الظهر هذي تخوفني اكثر من العمليه

المشكله مو بالقومه بعد العمليه ولا الحركه ولا حتى بالمضاعفات ..المشكله بعد العمليه بكم شهر اقل حركه ينشد الجرح حتى اني لما انقلب بالسرير فجأه ينشد جرحي واتالم .. هذا غير ابرة الظهر المها يظل فوق الست شهور

انا ولدت قيصري وكنت اتمني طبيعي لاني تعبت بعد العملية الحمدلله علي كل حال اهم شي سلامتي انا والطفل

اه بس ثم اه ثم اه
لو جربتوا اللي ذقته ماقلتوا عادي القيصري
على فكره انا كنت اطلق حتى وانا في غرفة العمليات
يعني على قولتهم مابقلى شي
انا اعرف انها رحمه للنجاة من الموت
لان طفلي توقف نبضه بس انا بعدها تعبت
ولللان تعبانه وانا حامل وهذي فرصتي الاخيره
وبعدين ترى العمليات من وحده لوحده تختلف مو كلن مثل اختك نام وقام سليم لا
انا كنت معرضه لجلطه بعد العمليه
وكان فيني ربو
واعرف وحده زين منعوها من 3 ولد من الحمل
ووحده مافتحوا نفس الجرح افتحوا فوقه شوي
ويكفي انك ممنوعه من شيل اكثر من 15 كيلو طول حياتك
وما اقول الا اللي داعس على الجمر موزي اللي يتفرج

انتي الله يهديك يااختي

وش هالكلام

ماقد سمعت كلام للقيصرية ابشع من كذا

مع انك صاحبة الموضوع قالت لاتقولون ردود الطبيعي افضل من القيصري لانه معروف
هدف الموضوع نفسيات القيصريات

وانتي بردك هذا ماقصرتي جبتي مقارنة عظيمة

بعدين هي ماقالت يابنات اولدوا قيصري تراه احسن من الطبيعي

بس ياللي تولدين قيصري لا يضيق صدرك تراه مو شي عظيم ومصيبة

الله يجزاها خير هي تبي تطمنهم وتريحهم اعتقد بدال مايطلعون من الموضوع مبسوطين بيطلعون يبكون من ردك الله يهديك


يختي في كل شي فيه مخاطر
انتي لو تقرين حبوب منع الحمل اللي تاكلينها وش تسبب ومن اعراضها كان تنصرعين وتحسين انك بتموتين
وانتي تاكلينها ومافيك الا العافية

واعرف وحدة والدة طبيعي ماتت
والثانية توقف قلبها
والثالة دخلت العناية المركزة
والرابعة جاها نزيف
والخامسة ولدها مات

يعني كل شي فيه مخاطر بس احنا مانهول الموضوع


انا وحدة من عائلة قيصريات

جدتي جابت 6 قيصريات ايام ماكانت العمليات بالطول والعرض ومايفتحون نفس الجرح
وهذي عمرها فوق الستين ومافيها الا العافية ما شا الله واللي بعمرها امراض الدنيا فيهم


وبالنسبة لتحديد النسل
جدتي قبل لا يتطور الطب جابت 6 ما شالله
وحدة كانت معي في المستشفى جابت 9 قيصريات
وكثير اعرفهم جابوا اكثر من 6
ولا تعتبر حالات شاذة على كلامك
الشاذ اللي يقولونلها لا تجيبين الا اثنين

واتركي سالفة قيصري وطبيعي
بهالوقت مين يبي 10 و 12؟!!


واكيد الدكتور لازم يكتب وش وضع رحمها اجل يشق ويخيط ومع السلامة!!!
شي بديهي انه يكتب في اي عملية


وياحبيبتي انا والدة في حكومي ودكتورة اللي مسويتها لي مو استشاري
لان اصل العملية مو صعبة ابدا
وكنت مبنجة نصفي وكنت اسولف واضحك معها



وبالنسبة للالم اول يومين الى اسبوع وبعدين عاادي
مو الم الم في الجرح لا .. تعب عند الوقفة والمشي
وبالنسبة للاحساس اسفل البطن شي طبيعي
اللي والدة طبيعي وموسعينلها في البداية ماتحس بالمنطقة اللي حوالين الجرح
وبعد مايلتام الجرح يرجع الاحساس
نفس الشي في القيصري
انا مره طبيعي و عمليتين في البداية احس في المنطقة بس احساس خفيف وبعد مايلتام الجرح واطلع من النفاس احس في المنطقة عادي مو اسكر السحاب ويتجرح بطني وانا مدري!!!!



وبالنسبة لشكل الجرح
انا ماشفت الصورة لانها محذوفة
نفس ماوصفت الاخت عند منطقة العانة
وصغيير حتى يوم شفته قلت شلون هالمكان طلعوا منه ولدي
خط صغيير مثل خط قلم الرصاص
ولونه مثل اي لون جرح قديم سواء كان بيدك او رجلك
مو برتقالي ولا عنابي


وشفت العملية القيصرية
عملية سهله اللهم فتح بطن مافيها تعقيد ابدن
وشفتهم وهم يخيطون لاحطوا مادة كاوية ولا شي


وطبعا الرحم ينكمش اجل يضل متمدد بعد الحمل

وبالنسبة كل عملية اشد من اللي قبل اخالفك فيه جدا


واكيد افضل شي بعد سنتين سواء طبيعي او قيصري
عشان الرحم يرتاح


واذا على قولتك ان القيصرية ارهاب وهو مو مرض
اجل وش خليتي للاورام والسرطانات




بعيدا عن الطب

احنا نشوف في عيونا

ناس تسوي 6 قيصريات ومافيهم الا العافية وعايشة حياتها


اهم شي النتيجة النهائية



وفيه ردود في الموضوع وحده بتسوي قيصريتها الخامسه وماصارت حاله شاذة


وردك هذا فيه تخويف ورعب ماقد سمعته ولا قريته عن القيصرية الله يهديك
وماكأن اغلب الحريم والادات قيصري واي وحدة حامل حتى لو تولد طبيعي ممكن تولد قيصري



ولو يااختي لو كلامك صحيح مية في المية غلط تحطينه في هالموضوع لان زي ماقالت الاخت ونبهت ان هدف الموضوع وااضح اللي هو النفسية عشان كذا قالت لا تقولون ردود الطبيعي افضل والكلام اللي قلتيه

مع احترامي لشخصك الكريم
وشكر خاص لصاحبة الموضوع