اختي ان شاء الله الموضوع بيصير زي ما قلتي مجرد فضفضة وبتلقين حل لمشاكلك كلها ، بالنسبة للناس - ومن ضمنهم اهل الزوج - كل طاقتك في التطنيش عطيهم اياها وعطيهم اذن من طين واذن من عجين هم لما يشوفونك كيف معتزة ببناتك وتحبينهم وتدلعينهم شوي شوي بيسكتون عنك وعشان الولد انتي مو السبب نهائيا قولي لهم الين الحين فيه ناس جهلة ما يدرون ان الرجل هو السبب بعد الله في تحديد جنس الجنين ؟ وبيني لهم انك وزوجك راضين بقسمة الله وهنا يبرز الايمان بالله الصح والولد نعمة ان جا فله الحمد والشكر وان ما جا كله واحد ، وبالنسبة لزنهم المتواصل عشان تحملين لا تضعفين ولا تستسلمين ولا تخلينهم يمشون حياتك على كيفهم لأن التعب اولا واخيرا عليك بصراحة 5 اطفال خلال 5 سنين انا اشوف انه تعب كبير واكيد صحتك بتتأثر، شلون وهالاطفال صحتهم تعبانة اكيد تعب مضاعف عليك انا ما ادري هالناس شلون يفكرون ما يشوفون تعبك وجهادك وركضك ورى مواعيدهم والاعتناء فيهم ليش يزيدون الهم عليك ؟
اما بالنسبة للموضوع الاهم وهو البعثة انتي وزوجك عائلة مستقلة وكبار وناضجين لازم ما تتأثرون بأي آراء من برا اولا لأن الموضوع ما يخصهم وثانيا لأن احيانا كثرة الكلام تخلي الواحد يغير قناعاته وافكاره اللي كان مقتنع فيها ، حاولي انك ما تخلينه يسافر لحاله ترى هالشي بيأثر عليك وعلى بناتك والخمس اطفال عادي ما اشوف انه عدد كبير فيه مبتعثين عندهم اكثر من كذا ،والسكن مو مشكلة مو لازم تتوسعون فيه مررة مثل سكنكم الحين معروف ان في الغربة الوضع كله يختلف وهم اطفال يعني 3 غرف بتكفيكم ان شاء الله وكويس انها كندا لأن المعيشة فيها اقل من اوروبا وباقي الدول واسألوا عن موضوع الشغالة لأن سمعت ان ممكن تودينها معكم لو كانت على كفالتك مدة سنة وفيه بعض الشروط البسيطة ، صدقيني سهليها وتتسهل الانسان هو اللي يعقد الامور على نفسه واهم شي يكون عندك انتي وزوجك نفس الارادة والرغبة والطموح
انا وبناتي الخمس
متابعة النقاش، صفحة 16