تعالوا شوفو يالسعوديات الشغل اللي يطلع ذهب

السلام عليكم

والله اني ارحم البنات اللي قاعدين بدون شغل يبغو ا مصدر رزق لهم

واحيانا يتاجروا وبيعوا اشياء بسيطة ما تدخل لهم الا القليل

السالفة وما فيها

فيه وحدة في المدرسة لما كان فيه حفلة بيسوونها المدرسات في المدرسة بمناسبة انتهاء الدوام

جابت حرمة [ من الجنسية اجنبية ] معها صاج تحته غاز

المهم الحرمة هذه جايبة خبز مرقوق اللي ينباع في محلات المطاحن وجايبة معها حشوات في علب بلستك

جبن ودجاج وفلافل ولحم مسويتهم في البيت

وتلف خبز المرقوق وبداخلة الحشوة وتحميه على الصاج

يمكن بالكثير 70 خبزة

تدرون كم اخذت وكم طلعت لمدة ساعتين على هالشغل البسيط

طلعت الف ريال في ساعتين

وتروح استراحات وبالحجز عليها

تصوروا يمكن يوميتها الفين ريال يعني بالشهر 60000 الف ريال

لو يوميتها الف بالشهر ثلاثين الف ريال

راتب دكتور في المستشفى له خبرة بعد

شايفين كيف الاجانب يعرفوا يطلعوا القرش من وين

ياليت كثير من السعوديات يقتدون في هالحرمة الشغلة بسيطة وغير مكلفة

وسلامتكم اللي تستفيد تدعيلي