كيف تستفيدوا من اكياس البصل

كيفكم يابنات حوا ياأحلى بنات حبيت افيدكم زي ما استفدت منكم كثير اكيد انه كل اسبوع او اسبوعين تشتروا اسفنج تغسيل المواعين عندي لكم طريقه مره حلوه توفر عليكم شويه اكيد انكم بترموا اكياس البصل والبطاطس زي ما كنت ارميها بعد ما تفضوها خليها في الشمس يوم وبعدين طبقيها وخيطيها من الجوانب واللي عندها اسفنجه تحطها جوه ونظفي فيها الحمامات اكرمكم الله والمواعين والله مره حلوه وتعيش عندك شهر وشهرين جربوها وادعولي وبعدين للي عندها حساسيه من الكلور ويدها تحمر وعندها اكزيما مثلي من الكلور تجرب جل اسمه العملاق الأخضر مره حلو حتى انه صرت استعمله في تنظيف المواعين لما يكون فيها زنخ زي البيض والدجاج والله انه وحده بوحده وسعره رخيص ب13ريال بس ويجلس عندك مده كبيره وياليت اعرف انزل صور كان صورت لكم الأسفنجه والمطهر سامحوني واسفه على الأطاله.:27:

14 تعليق 1,975 مشاهدة

شاركي في النقاش

سجلي الدخول لإضافة تعليق.

التعليقات

14

تابعي تجارب أخرى من هذا القسم.