وش رايك فيني اللي تزوجني كان يشتغل في الهيئة وصديقه شيخ من الشيوخ المشهورين
اولا انا يتميه الابوين والله يخلي لي اعمامي وخوالي
اول ما خطبني عمي رفضه رغم انه جايب معاه شيخ مشهور ومعروف
واصر انه يرجع يخطبني مره ثانيه من عمي الثاني اللي ساكن بديره بعيده ومستعد يتحمل تعب السفر
عاد توسط له خالي عند عمي وملك له
ثم شافني الشوفه الشرعيه وقال هذي اللي اتمناها وفيها كل المواصفات
وانا والله ما امدح نفسي ربي معطيني الجمال اللي يتمناه كل رجل في فتاة احلامه
حتى خالي يقول المفروض ما يتزوجك الا امير او وزير<<<ياحليل خالي يبي يهبل بي
عاد انا اجلت الزواج وتضايق هو وكان يحسب الايام والليالي ويقول تراني زوجها واقدر اجي اخذها بهدومه اللي عليها
المهم تزوجنا
وفي ثاني يوم قام يلمح انه بيطلقني انصدمت قعدت ابكي قلت له ليه وش سويتلك وش العيب اللي شايفه فيني
وش اللي بدر مني عشان تقول كذا
قال انا اكلمك عن الاقدار اقولك يمكن ربي يقدر اني اطلقك ويمكن لا ؟؟؟!! بالله هذا كلام
ثم تركني 3 شهور في بيت اهلي ما يتصل الا بعد اسبوعين
صحيح ما كان يقصر معي بالمصروف كلمة حق
بس تصرفه هذا ما يسويه رجال يخاف من الله
اجل يفكر يطلقني كذا بدون سبب
المهم قلت له تعال واجه اعمامي وقل لهم عن الاسباب اللي بتخليك تطلقني
رفض يجي وانحاش
انقهرت من فعلته
قلت له طلقني اصلا فرقاك عيد
وعلى طول طلق
وبعد طلاقي قام وكذب عليه وظلمني
حسبي الله عليه ونعم الوكيل للحين مستحيل اسامحه
اقسم بالله قعدت اتحسب الله عليه
وتوفى ابوه في حادث اليم
ومع هذا مستحيل اسامحه
رغم ان ابوه رجال طيب واهله طيبين
والله اني ترحمت عليه
الله يرحمه ويسكنه الجنة
تمنيت لو ان دعوتي صابته ولا صابت ابوه الطيب
لكن قدر الله وما شاء فعل
لا تهتمين يا قلبي والله كثير مثلك
واختك ربي بينصرها عليه اصلا هو الخسران مو هي
كفايه انه عاله عليها وهي اللي تصرف عليه ما يحمد ربه وينطم
بس عشان اختك ما رضت انه يستغلها ولا فيه حريم تعطي زوجها صرافتها شقى عمرها
لا ويمن عليها حلالها ويسدد ديونه ويهندم نفسه من فلوس المسكينه لا ويتزوج عليها بعد
واكثر ما يقهرني اذا سألتيها ليش ما تاخذين صرافتك منه..تقول..اخاف يطلقني
لا إله إلا الله ..كأنها هي اللي بتخسره مو هو اللي بيخسرها
من لقاها حرمه وعيال ومصروف في الجيب بدون لا يتعب
سبحان الله ..الرجال هم اللي واجب عليهم يصرفون على زوجاتهم وهذا من القوامة
لا حضرته يبي يتسدح في البيت وهي اللي تشتغل وتكد وتصرف عليه !! بالله الرجال اللي كذا وش الفايده منه!!
حسبنا الله وكفى
متابعة النقاش، صفحة 7