جربتي خلطه وعجبتك حطي النتيجه عشان غيرك يستفيد

ياريت يابنات كل وحده جربت خلطه من خلطات المنتدى او من برى وطلعت النتائج عليها وعجبتها تحطها في هالموضوع عشان غيرها يستفيد
لاكن نبغى خلطات مجربة وكان مفعولها ايجابي يعني الخلطات اللي مفعولها ماظهر او بس سمعتي فيها بس ماجربتيها بنفسك مانبغاها>>>شحات ويتشرررررررط :D

من جد يابنات ترى الموضوع مهم لان في كثير خلطات يجربونها البنات ونفعت معاهم بس ميقولون عن النتائج

يالله حبيباتي حطوا نتائجكم عشان نتحمس

تحياااااااااااااااااااتي


انتظركم لاتقرون وتروحون :(

29 تعليق 4,275 مشاهدة

شاركي في النقاش

سجلي الدخول لإضافة تعليق.

التعليقات

28
  1. @roaa_2

    موضوع حلو ياليت البنات يتفاعلون ويثرونه

    بس يقولون اللي يناسب غيرك ومو شرط يناسبك.. فياليت كل وحدة تبين لنا نوعية شعرها قبل تقول الخلطه>>> وهذي تتشرط بعد :):)

    انا عن نفسي مااستعمل خلطات فقط زيوت.. ومرتاحه معها لكن لامانع من التغيير ووووش وراناااا

    بانتظار تفاعل البنات :)
  2. @smoalroh

    مايونيز وبديل الزيت من بانتين العناية الكاملة لشعر انسيابي وحريري وصانسيلك السبع الزيوت للشعر الجاف والتالف وبيضه واحده
    تبقى الخلطة على الشعر 3ساعات او اكثر
    يغطىالشعر ثم يغسل بالشامبواوالبلسم والنتيجة اكثر من روعة
  3. @df_shms

    انا استعمل خلطة مبارك الاشقر هي زيت زيتون وخروع ولوز حلو +خميره +نشاء واضفت من عندي جوز الهند ..
    تطول الشعر وتنعمه..بس انا شعري ناعم..
    في التطويل روعه ماشاء الله في اقل من شهر حسيت طوله تغير بس الكثافه!!!!!!مافي وكان هذا سبب الاستعمال ..
    وفي الاسبوعين خلطة سدر +لبن او زبادي+نفس الزيوت+ماء+بيضه .
    لمدة ساعتين خلطه حلو تقوي الشعر..
    واحاول استبدل الشامبو بالسدر وصار شعري روعه ولما تركت السدر رجع مثل ماكان...!!
    خفيف وشكلي براجع طبيب!!!!!!!!!!!!
  4. السلام عليكم أخواتي............
    أنا عضوة جديدة وأحب أشارك معاكم ........ تسمحون لي........
    قرأت موضوع الأخت نوض وعجبتني وصفات كثيرة وجربت وصفة لتنعيم الشعر وهي زيت عافية مع المرمية والياس وفعلا ماشاء الله تنعم وتلين الشعر (أنا شعري ناعم بس جاف وينفش) ولاحظت أنه ينعم الشعر كثيرا .بالنسبة لأمي وأختي قالوا أنه يوقف التساقط عن تجربتهم للزيت أما أنا فشعري يتساقط من قبل أظنه من القشرة وقرأت في موضوع احدى الأخوات عن شامبو للقشرة يسمى Fontigar وأحس انه وقف الحكة.وأظنه جيد الله يبارك فيه. بالنسبة للياس أنا قرأت عنه في كثير من المراجع وهو له مفعول قوي في تطويل الشعر وتنعيمه واستخدمته مع الحنة وكان ممتاز تقدرون تستخدمونه بدون الحنة . تعجنونه مع الماء وتضعونه على الشعر لمدة ساعتين أو أكثر على حسب وقت الفراغ ثم تغسلونه. بالنسبة لزيت عافية مع المرمية والياس أنا طحنت المرمية وحصلت الياس مطحون جاهز عند العطار . اشتريت زيت عافية الحجم الكبير وقسمته الى نصفين ووضعت في كل واحد فنجان قهوة (الي حجمه شوي أكبر) من المرمية والياس يعني كل واحد فنجان وتركت الزيت في الغرفة يومين ثم استخدمت منه ووزعت على خواتي وأمي .ترى طريقتي شويه غير لكن سهله ريحت الزيت حلوة وأول ماتحطينه على شعرك تحسيه خفيف على الشعر. جربوه ولاتخافون هو مايساقط الشعر أنا شعري بصراحه يتساقط من قبل .
    أختي تستخدم كبسولات زيت كبد الحوت تاخذ حبه بعد الأكل تاخذها مرة في اليوم عشان ماتمتن وتقول مفيدة للبشرة وتعطي لمعان للشعر.
    أتمنى أنكم تستفيدون والله يبارك لكم.

تابعي تجارب أخرى من هذا القسم.