نصف الشهر مر وتعدّت لياليـه
ماشفت زول مريّـح العين والبـال
اللي على غيره من الناس مغليـه
وأظن هو مثلي بعد نفس الحــال
يغيب عن عيني ويبعد خطاويــه
خايـف يثقلنـا بجيّات ووصــال
وأنا أتسلـي عن غيابه وأخليــه
أخشـى يصيبه كثر الإلحاح بجفـال
كم مرةٍ يطري على بالي أدعيــه
وأصير أنا والنفس والقلب بجـدال
الوصل إلى ماصار من رغبةٍ فيــه
ماهوب ينفـع في دوا جرح الآمال
إن كــان ماجا رغبـةٍ منه ما أبيه
يجي يجاملنـي بحـالٍ من الأحـوال
،،
{ دفــــتـــــر مــــشـاعــري }
متابعة النقاش، صفحة 25