السلام عليكم ورحمة الله وبركاته
كيفكم ؟؟
بنات انا بكره ان شاء الله اول يوم لي دوام بمدرسه اهليه بالرياض
وخايفه مررررره
كيف نظامهم ؟ بصراحه ماابغاهم يمسكون علي اي شئ من البدايه
احسني دايم واثقه من نفسي وجريئه بس مدري ليه خايفه مرره
اي وحده مره بتجربه اول يوم تقولي
كيف اخذ الجدول وكيف اعرف وين يوقعون الحضور
وهل الطابور لازم احضر بكره اول يوم
احس احررااااااااااج مررره يشوفوني مو عارفه كيف اتصرف
افيدوني الله يجزاكم خير
شاركي في النقاش
سجلي الدخول لإضافة تعليق.
التعليقات
2- لا تخافين ولا شي
وترى هذا شعور طبيعي لأنه شي جديد عليك
ذكرتيني بنفسي أول ما درست اذكر ذيك اللية ما نمت
أفكار تجيبني وأفكار توديني
شلون ادخل ومع وين الباب ووش اقول واخاف البنات يضحكون علي ههههههههه
بس اكتشفت ان الموضوع ما يستاهل
وأهم شي انك تكونين واثقة من نفسك لأن الكل راح يحكم عليك من اول نظرة ولا تبينين لأحد انك ما تعرفين شي لأن في بعضهم راح يستغلونك ويلعبون عليك
ما أبغي أخوفك بس ابيك تحذرين منهم خاصة مجتمع المعلمات
وأنا ما اقولك هالكلام إلا لاني انكويت منهم وما كان احد يفهمني
أما بالنسبة للنظام كل مدرسه تختلف عن الثانية
والجدول تاخذينه من المساعدة او مشرفة المواد
والتوقيع لا تشيلين همه لانهم ماراح يحاسبونك لانك جديدة
عموماً إذا دخلتي الإدارة يحطونه دايم بمكان بارز يعني فوق الطاولة أو عند الباب
والطابور بعد مو ضروري
بس اهم شي تكونين واثقة من نفسك علشان الكل يحترمك ويقدرك
طولت عليك وأي استفسار ثاني انا حاضرة
ولاتنسين تعلمينا بكرة بالاخبار
سلاااااااااااام - تسلمين ياعسل
والله انتي بجد قدعه هههههههههه
طمنتيني شوي
انا ماخفت يوم المقابله وعاادي بس انا اصلا شايله هم مجتمع المعلمات هذا
الله يعين وبس
مواضيع مشابهة
تابعي تجارب أخرى من هذا القسم.