|| ... تـجـمـعـنـا ... أمـهـات الـتوائـم الـرضـع و الخـدج ... ||

و الله من صدقهم؟
كل الدكاترة الي مريت عليهم قالوا لي عادي بعد 6 اسابيع و الاثقال بعد ميخالف، الا اذا انتي حسيتي انك ما تبين او مو مرتاحة يمكن تأجلين الاثقال فقط لمدة 3 شهور بس الرياضة العادية لا تأجلينها، و بالعكس اصلا يصروووون عليك يعني رحت لدكتورتي بعد الولادة مرتين و كل مرة تسألني هاه ما سجلتي بنادي؟؟ عندهم ان الرياضة صحة و على كثر ما تسوين رياضة على كثر ما ينشد بطنك و يرجع الجلد الي على جرحك طبيعي،
و نفس الشئ زوجي طبيب و يقول نفس الكلام انه الرياضة بعد 6 اسابيع من الولادة والمشد ميخالف بس مو 24 ساعة يعني بالكثير 8 ساعات باليوم

جارتي امريكية و ماشاء الله بطنها راااااح تماما و هي والدة قيصري و ما اقولك هذي طبيعتها لاني انا شفت كرشتها و الحين عمر بنتها 6 شهور و راح كل شئ و جسمها احس احلى من قبل ما تحمل، و تسوي اثقال و رياضة من 6 اسابيع عقب الولادة
طيب الدكاترة الي عندكم وش السبب الي يمنعون عشانه؟؟ يعني انتي الحين جربي سوي رياضة بطن و الله ما تحسين بالم و لا شئ

كوبي
الحمدلله على سلامة كتاكيتك والله يحفظهم
و بالنسبة للأكل ابدي اذا صار عمرهم 6 شهور بالضبط، يعني مو 5 شهور و 29 يوم خخخخخخخخخخ<- فهمتي

ام لمار
الحمدلله على السلامة و قرة عينك باهلك الله يخليهم لك

نونو
لا تشيلين هم الاكل و الله بالعكس اول الايام متعبه بس اذا تعودوا عليه بيريحونك مو كل شوي رضعه يعني بتقعدين بعد الاكل شبعانين 3 ساعات تقريبا
و اهم شئ بالاكل صراحة هو
high chair
كرسي الاكل، يا سلام و الله رائع لاسباب كثيرة خليني اقولك:
- اول شئ البيبي اذا جلستيه على الكرسي يستوعب انه هذا وقت الاكل و تنفتح شهيته ويعرف و يفهم انه اذا جلس هنا لازم ياكل
-ثانيا انه الكرسي حق الاكل يسند ظهر الطفل بطريقة مستقيمة تخليه ما يغص لا قدر الله
-ثالثا اذا جلستي انتي و زوجك على طاولة الاكل تتغدون مثلا خلي بيبياتك معاكم على الطاولة و هم على كراسيهم حقت الاكل طبعا تكون مرتفعة، و عطيهم البسكوت الي يعضعضونه، و الله وناسة بكذا يشاركونكم و يقدرون وجبة الاكل و يتعودون عليها من وهم صغار
- من تجربتي بولدي الاول مررررررررة تعودت عليه، حتى هو ما يبي ياكل الا عليه ، و ميزته انه يوم كبر و صار يمشي صعبة توكيلينه بيصير يركض و يرفض و انتي تلحقينه، بس دامه تعود و هو صغير انه يجلس على هاي شير راح يستمر، و الله ولدي استمر الى سنتين و 4 شهور و بعدين الحين هو تركة من نفسه
خلاصة الكلام، لا يفووووووووووووتك، هذا من الاشياء الي اقدرها و احس كل ام لازم يكون عندها لانه يساااااااعد الام و البيبي كمان