موضوع مؤثر لكن صراحة عزى مصابي
يالله جلست أتذكر وأدعي -الله يرحم ابوي سبحان الله قبل مايتوفى ب3اسابيع طلب يشوف بيتي الجديد قال خلوني أروح أشوف بيت (---) وكان جهاز الغسيل للكلى مركب عليه وصعب نطلعه والبيت غبار وجديد لكن أصر متى ومتى إلى ماأخذناه في السيارة وكلنا وراه 4سيارات تقريبا أخوي واهله وأختي وزوجها وأنا وعيالي والسواق وزوجي ووصلنا البيت الجديد وشاله أخوي ودخله البيت وجلس يدعي ويبارك وطبعا ماقدر يطلع الدور الثاني لكن فرح بالبيت كثيييييييييييييير
وشوي ورجعنا كلنا وبعدها تقريبا بأسبوعين طلب مني لبان قال جيبي لي علك - لبان ولاتتأخري فيه وجبت له كل الاشكال 00 بعدها بكم يوم كان صدري ضاااااااااااااااايق قمت اصلي وادعي وامسك قلبي وبعد يومين بالضبط اتصل اخوي وانا بالدوام قال زوري أبوي تراه تنوم ورحت جري اشوفه كان بالعناية مايقدر يتكلم وحرارته مرتفعه ومدري كنت ابكي بشكل غير طبيعي احس شي ينتزع من قلبي مع انو مو اول مره يدخل العناية لكن هالمره احس شي مخيف رحت جبت اختي الكبيرة أول مره اتصل فيها واقولها تعالي شوفي ابوي ورحنا له مره ثانيه وكان مثل النائم قام طالع فينا وطلب ماء واكل وجلسنا نلقمه كلنا ورجع نام ومشت أمي راحت السوبرماركت قالت بشتري اغراض عشان إذا طلع يكون كل شي جاهز على اساس يوم يومين
واليوم الثاني رحنا زرناها ونفس الشي كان في شبه غيبوبة لكن فاق سأل اخوي صليت انا أو لا الفجر؟
وسأل عن أخوي الصغير فينه 00 ورجع نام
وجيت الظهر عنده وقلبي متقطع وشاد هو على يدي ماسكها بكل قوته وانا اقرأ عليه واقرأ عليه
وقربت من اذنه وقلت له اصبر ياابوي ولك الجنة ! وناظرت فيه على اساس بصلي وارجع وقلت استودعك الله الذي لاتضيع ودائعه
وبعدها مات !!!!!!!!!!!!!!!!!!!! مع الاذان مات في يوم اجتماعنا الاسبوعي يوم كان يحبه ونحبه
ولاحول لنا ولاقوة الابالله !!!
ادعو له بالرحمة والمغفررررررررررة ويربط على قلوبنا وكل مسلم
ماتوا...رحلوا من هالدنيا... (للحين تذكرونهم؟؟؟...)
متابعة النقاش، صفحة 15