شاركي في النقاش

سجلي الدخول لإضافة تعليق.

التعليقات

16
  1. @sdalahzan_1

    صاحبة الموضوع
    مشكوره اختي و يزاج الله خير على الرد و الله اني فرحت يوم شفتج رديتي و خاصه انج من بلادي

    انا بروح للاستشاره ان شاء الله يوم الثلاثاء الياي في فرع بوظبي بس خبريني شو قالت لج الدكتوره بالضبط و كم جلسه تحتاجين هم قالوا لي انه الجلسه ب 500 و اذا دفعتي المبلغ مقدما يخلون الاربع جلسات ب 1800 درهم و بس ماادري هل بنستفيد ولالا و كيف شعرج هل هو خفيف وايد ولا شو ؟؟؟؟
    و اذا تاخرتي عن الجلسه ما بيضر يعني ولا كيف؟؟

    اتمنى تردين علي باسرع وقت ممكن لانه نفسيتي تعبانه و الله
  2. هلا اختي بالنسبة لشعري وايد خفيف ويتساقط بشكل فظيع
    الدكتورة قالت انها بتسويلي الجلسات لحد ماتحس ان التساقط توقف وان بصيلات الشعر بدت تتقوي وبالنسبة للجلسات عادي حبيبتي اذا تاخرتي عن الجلسات مايضر حتي لو تبين تسوينهم علي فترات متباعدة وبعد كتبتلي الدكتورة علي فيتامين عشان يقوي الشعر وشامبو طبي وفعلا سعر الجلسة الوحدة مثل ماذكرتي بالضبط بالنسبة لنفسيتي مثلك تماما كانت زفته لكن الحمدلله انا متاملة خير وان شاء الله يفيدنا العلاج وتوكلي علي ربك
    انا من عمان اختي واتعالج بفرع كوزمسرج الي بعمان احيانا بس احيانا يحولوني لمركز دبي لما تكون الدكتورة الي تعالجني مسافرة وباذن الله راح نكون انا وانتي علي تواصل عشان نشوف تطورات العلاج
  3. اسالكم بالله تقولون لي النتائج اللي صارت والله نفسيتي من شعري دمار (تساقط_فراغات في مقدمة الراس)انا رحت للدكتوره منى نصر عندنا بجده لكني خفت من الابر لانه كل مااسال ماحد عنده فكره
  4. بنات اذا كنت تقصدن الابر اللي نفس القطره لون الدواء اللي داخل أزرق وعلبته شفافة ويقولون انهن ابر للشعر تراني استخدمتهن ولا فادني مولية وخسرة بيزاتي على الفاضي وهن العلبة كبيرة فيها كذا ابرة وخذتهن من شركة نزية في العين ما كلفتني 200 درهم ورحة الصالون وسويت دورة لشعري واستخدمة لي نفس الابر ولكن ماشي فايدة


    لكن اذا كنتن تتكلمن عن ابر اللي توخز في الراس يعني نفس ابر المستشفى بصراحة ما عندي أي معلومة عنها وأول مره اسمع عنها
  5. اختي مريوم الحولة الابر الي اخذتيها تختلف عن ابر الميزوثيربي بالنسبة لابر الميزوثيربي لازم تاخذينها علي ايد دكتور متخصص عموما بالنسبة لي امس سويت جلسة علاج ثانية بمركز كوزمسيرج والجلسة الثالثة راح تكون بعد تسعة ايام باذن الله تعالي واتمني اذا في وحدة من العضوات جربت هذا العلاج تفيدنا
    بالنسبة لي حاسة اني مرتاحة لهذا العلاج وان شاء الله يكون مفيد

تابعي تجارب أخرى من هذا القسم.