صحيح زوجي شكاك

السلام عليكم ورحمة الله وبركاته
كيفكم يابنات والله مالقيت غيركم استشيره في مشكلتي
انا راح اشرح لكم وضعي انا متزوجه من 3 سنوات زوجي مايسمح لي اني اخرج مع احد لا اخواته ولا اخواتي للسوق معاه هو وبس وبصراحه مايقصر يوديني السوق ويشتري لي كل اللي نفسي فيه وزياده بعد ومايستعجل علي بالسوق
وفي الأسبوع يخرجني يمشيني 4 ايام من غير رحة بيت اخواتي وامي واخواني يعني مو مخليني اطفش بالبيت
لين هنا حلو صح صح

المشكله
سلفتي واخوات زوجي يروحون السوق مع بعض وبليموزين يعني مامعاهم محرم لوحدهم زكل ماجلست معهم يقولون لي انتي ليش ماتروحين معانا اقولهم زوجيمايرضى على طول يقولون لي ليش يشك فيك وقلت لهم لا ما يشك فيني بس حرص على ومايقصر معي المحل اللي ابيه واللي ما أبيه يوديني له
قامت سلفتي وقالت اراهنك انه شاك فيك انا انقهرت وقلت لها لا مايشك فيني قامت قالت لي اتحداك تطلبين منه انك تروحي معانا للسوق وشوفي اذا رفض معناه انه شكاك
وانا من القهر قمت ورحت لبيتي واللحين مادري وش اسوي ابي ابين لها انه مايشك فيني
اللي تشوف مشكلتي تافهه لا تتعب نفسها وترد

الله يعطيكم العافيه يارب

47 تعليق 3,893 مشاهدة

شاركي في النقاش

سجلي الدخول لإضافة تعليق.

التعليقات

44
  1. @aasl_alksym

    قولي لها زوجي يغار علي

    الغيره غير والشك غير

    ولا تخلينها تخرب عليك حياتك

    وتدخل في راسك افكار غلط عن زوجك

    مادام انت مرتاحه بوضعك معاه ماعليك من احد
  2. @dlaa_o_snaa

    لا مو شكاك هي اللي شكاكه صحيح ماتخجل

    كل الرجال كذا مجرد حرص لااكثر بعدين بيخف وبيصير يسمح لك مع اهلكـ وبعدها بيخليك لحالكـ بس مو بالساهل لازم يتدرج معاك اغلب البنات اللي اعرفهم كذا ازواجهم

    لاتهمكـ اذا قالت تعالي معنا قولي مالي خلقكم لاتقولين زوجي رفض
  3. @f_a_r_h_h

    .
    .

    لااااااااااااااااا تعطينهم اذنك وطنشيهم ..واضح انهم يغارون منك لان زوجك يجيبك ويوديك وهذي نعممممه

    الله يخليه لك..
  4. @sd_alahat_13

    هآ’ذي غيره والغيره من الحب وهآذي نعمه حمدي ربك عليهآ

    يآمآ نشوف مصآيب من ذآ الليموزين

    كآن قلتيلها مآيهمني اني اروح معكم اهم شيء رضى زوجي علي

    وربي انهآ فآآآآآآآآضيه اسمحيلي بس رفعة ضغطي

    وآهي وشلها تروحين معخم ولا مع زوجك

    طنشيها ولا تردين عليها

    هآذي غيرآنه منك ومن اهتمآم زوجك فيك

    وبالاخير اقول الله يخليلك زوجك ويسخره لك يآرب ويديم المحبه عليكم ولا يفرقكم

    كل الود..
  5. @shkaoh_4

    صاحبة الموضوع
    الله يسعدكم وربي انكم ريحتوني
    الله يحقق امانيكم


    يارب تنجح معي اطفال الأنابيب وافرح زوجي بزايد وشووق
    ادعولي الله يخليكم

تابعي تجارب أخرى من هذا القسم.