شاركي في النقاش

سجلي الدخول لإضافة تعليق.

التعليقات

42
  1. @ngom_allyl_9

    أم دحومي الحلو
    والله يا بنت سدير تأملي في نصايح الأخوات ونصيحة الأخت أم عليا صراحة صدقت في كل كلمة قالتها ترا لو تدققين في كلامك تكتشفين انك ذكرتِ نعم مو موجودة عند كثير ماشاء الله تبارك الرحمن ولا قوة إلا بالله لكن ضغوط الحياة ماخلتك تشوفينها أو خل نق…
    ام دحومي يسلم بؤك كلامك درر :27:
  2. بنت سدير
    وحشتيني يابطه <<تمون

    ماازيد ع كلام البنات شي


    لكن حبيت اقول والله كلنا مثلك
    انا فاضيه وقاعده في البيت واعد اصابع يديني ورجليني من الطفش
    وزوجي مررررره لاهي
    ولا اطلع دايم
    والبنات اللي حولي بزي

    والله شوفي في قاعده مره خطيره
    تقول القاعده:
    مافيه احد بيدلعك مثل مانتي بتدلعين نفسك فدلعي نفسك

    ومافيه احد بيوسع صدرك مثل ماانتي بتوسعين صدرك فوسعي صدرك بنفسك
    لاتفكرين انه اهملك او كذا
    لا قولي لنفسك مسكين لاهي وانا اقدر استانس حتى لو اني لحالي

    وبخصوص ذا المبزره
    هذاني والله اكتب وولدي يسحب يدي
    حايسني حوووس
    ولا نطلع لمكان الا اني كارهه الطلعه منه
    يقعد صياح وصجه
    وسعي صدرك ياااقلبي
    وربي حاسه فيك


    ع العموم
    وربي بيسهل لك حبيبتي
    كلها فتره وترجعين دكتوره ااااد الدونيا وتنسين التعب

    دعواتي لك براحة البال
  3. @asod_o_abyd

    لمى 2
    عن اذن اختي صاحبه الموضوع بالنسبه لرد الاخت ندي وموضي انتو اكيد ما تدرسون يعني متفرغات للبيت عشان كذا مو حاسين باللي هي فيها كونك طالبه وام و مغتربه موضوعع جداااا صعب وانا متاكده انها مو مقصره في اي شى عشان كذا تعبانه لانها تحاول يكون ك…
    كلام عين العقل
    الله يسعدك
  4. انا رجعت لموضوعك لاني تذكرت شي..

    ترا انا كنت مثلك .. اذا طلعت من يوم تقول بنتي أأ خلااااااااص اتنرفز ..

    تلقين زوجي يناظر شي ويسولف علي وانا معصبه اقوله البنت جوعانه جوعانه لازم ارضعها

    واقعد ادور مكان واحوس وانا معصبه وانافخ بصراحه يمكن لأني ماتعودت هي اول طفل لي..

    تلقينه خلاص يكتم وعلى قولتك تخرب الطلعه ..

    بعدين بصراحه تعلمت من الاجانب..ياختي شوفيهم قمة الروقان وهم معاهم بزران ..

    ولاتقولين اطفالهم هااادئين لا والله ..مره وحده هي وزوجها ومعاهم تؤام والله توهم اقل من 3 شهور

    وصياااح ونيااااح وقاعدين بكوفي شوب عااادي طلعت رضاعتين وهي ترضع واحد والابو واحد

    ماشفتها عصبت ولا تنرفزت زيي لا تبتسم وتلعبهم ..

    قلت انا ليش كذا مررره نبي اطفالنا مثاليين مايقولون ولا حرف ..

    واشوف كثييييييير قاعده هي وصديقاتها ومعاهم بزارينهم بأحسن مطاعم وكوفيهات ويتقهوون ويتعشون

    عرفت ان الاطفال مايمنعون الوناسه ..فتعلمت اني اطول بالي

    والحمدلله ..الحين بنتي كبرت وكبرت حركتها وشطانتها الله يصلحها ..بس صرت اطنش اطنش

    اعطيها شي تلهى فيه .. الحين اذا عرفت انها جوعانه اقول لزوجي ها وش رأيك نروح كوستا كوفي؟؟

    نقعد نتقهوى واطلع زبادي مثلا لبنتي واعطيها ..

    تعلمت اني اطول بالي اتعلم اني اروق..وش ابستفيد من العصبيه ..الحين صرت اطلع انا وبنتي لحالنا

    واخذ كل عدتي تحسباً لأي ظروف عشان ماتنكد علي..

    وماعلي من الناس..حنا مشكلتنا اننا نخاف من الفشيله اذا صاحوا عيالنا قلنا فشلونا قدام الناس ..

    ونعصب والضحيه حنا وعيالنا ..لاماعليك من احد روقي وطولي بالك ..

    معليش طولت عليك ..بس والله اني اهوجس بك ..

تابعي تجارب أخرى من هذا القسم.